Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno do Principado porá en marcha a Oficina de Dereitos Lingüísticos que centralizará a xestión de todas as queixas, suxestións ou solicitudes de información ou de asesoramento presentadas pola cidadanía en materia lingüística.
Fonte: La Voz de Asturias
Os responsables de Política Lingüística dos gobernos de Baleares, Cataluña e a Comunidade Valenciana reuníronse para abordar, entre outros temas, a necesidade de presentar proxectos conxuntos ao PERTE «Nova economía da lingua», cuxo obxectivo é converter as linguas oficiais en elementos tractores da transformación dixital.
A de Santiago de Compostela é unha das nove universidades seleccionadas pola Generalitat de Cataluña nunha proba piloto para potenciar os cursos iniciais da lingua catalá dirixida a estudantes universitarios de programas de mobilidade.
Falantes de galés en Gales expresaron a súa indignación despois de que unha empresa decidise rexistrar comercialmente a palabra "cariad", que significa "amor".
Fonte: NZ Herald
A cidade galesa de Swansea acollerá a segunda edición do Gŵyl Tawe, festival que celebra a música en lingua galesa.
Fonte: Nation Cymru
A Coordinadora de Ensino da Lingua Portuguesa en Venezuela retomou as probas de certificación de portugués como lingua estranxeira. Un total de 195 persoas fará o exame en cinco niveis diferentes.
Fonte: Notícias ao Minuto
O Museo da Lingua Portuguesa de São Paulo ofrece un intenso programa de actividades de verán para público infantil. Trátase da primeira axenda cultural para crianzas desde que reabriu o museo.
Fonte: CNN Brasil
A Rede de Normalización Lingüística do Principado quedou constituída formalmente tras a celebración da súa primeira reunión, á que asistiron representantes dos 21 municipios que contan con servizo lingüístico, así como da Universidade de Oviedo. O obxectivo deste novo organismo é reforzar a coordinación entre a Administración autonómica e os concellos para impulsar o uso do asturiano e do eonaviego.
Froito do compromiso entre o Departamento de Cultura e Netflix, a plataforma de vídeo a demanda incorporou a primeira ducia de títulos dos 70 que vai incluír cada ano.
Fonte: Generalitat de Catalunya
A Real Academia Galega, en colaboración coa Universidade de Santiago de Compostela e a Asociación Galega de Onomástica, organiza un congreso internacional sobre a toponimia nos camiños de peregrinación a Santiago de Compostela que se celebrará o vindeiro mes de setembro.
Subscríbase ao boletín
