Xosé Manuel Beiras Torrado recibiu o V Premio Luis Porteiro Garea polo seu importante traballo a prol da lingua galega tanto nas súas facetas de docente e investigador, coma na de xestor académico na Universidade de Santiago.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
30 de xuño de 2022
O Centro Dramático Galego (CDG), unidade de produción teatral da Xunta de Galicia, iniciou a súa participación no proxecto europeo Phone, no que estruturas teatrais de sete países desenvolven varias iniciativas conxuntas para a posta en valor de linguas minoritarias a través das artes escénicas.
29 de xuño de 2022
Xa está aberto o prazo para que as entidades sen ánimo de lucro soliciten axudas para proxectos de fomento do catalán. Esta convocatoria ten como obxectivo promover actuacións en ámbitos como o laboral e empresarial, dixital, sociosanitario, deportivo, cultural e de lecer.
Fonte: Generalitat de Catalunya
29 de xuño de 2022
Despois dun ano de mobilizacións, as escolas vascofrancesas de Larrau, Barcus e Irissarry abrirán novas liñas educativas de inmersión en éuscaro. No caso das dúas primerias será no ensino infantil e no caso da terceira no ensino primario.
Fonte: Sud Ouest
28 de xuño de 2022
O Xulgado do Contencioso-Administrativo número 1 de Vitoria anulou o devandito plan pola súa incidencia en dous aspectos vinculados ás condicións de traballo do persoal: a necesidade de avanzar 15 puntos no éuscaro como lingua de traballo e o paso dun 60,48% a un 69,86% de preceptividade.
Fonte: La Vanguardia
28 de xuño de 2022
Os Gobernos de Navarra e o País Vasco e mais a Oficina Pública da Lingua Vasca asinaron o anexo de 2022 do Protocolo xeral para a promoción do éuscaro co que acordaron as actuacións para este ano en áreas como o ensino desta lingua a persoas adultas, o fomento do seu uso, a promoción do idioma ou o impulso de estudos sociolingüísticos.
28 de xuño de 2022
O Instituto do Patrimonio Histórico e Artístico Nacional do Brasil incluirá a lingua indíxena aikaná no Inventario Nacional de Diversidade Lingüística (INDL, polas súas siglas en portugués) para realizar as pertinentes accións de salvagarda e promoción.
Fonte: Governo Federal
27 de xuño de 2022
Ambas as entidades colaborarán para fomentar o uso do éuscaro no ámbito da profesión farmacéutica e da farmacia comunitaria e para difundir entre o alumnado da Facultade de Farmacia a oferta formativa, as convocatorias de premios e outras accións de interese.
Fonte: Comunicae
27 de xuño de 2022
A web, que puxo en marcha a Dirección Xeral de Política Lingüística a finais de 2016, recibiu nestes anos máis de tres millóns de visitas e unha media diaria de 3500. Contén información sobre o aragonés e o catalán de Aragón, recursos didácticos, toponimia, documentación etc.
Fonte: AraInfo
27 de xuño de 2022
A asociación Faladoiros organizaba reunións para falar de diferentes temas en galego, uns encontros que se interromperon a causa da covid-19. Por este motivo, pasaron ao formado de videoconferencia grazas ao que comezaron a participar xentes de dentro e de fóra de Galicia.
Fonte: Galicia Confidencial
Boletín
Subscríbase ao boletín
