A Real Academia Galega acaba de completar a incorporación da práctica totalidade das obras que editou, dende a súa fundación en 1906, á sección de publicacións dixitais da súa páxina web. As novas achegas son en total 177 títulos con preto de 37 000 páxinas que abranguen desde o primeiro dicionario da RAG (1913-1928) ata discursos de ingreso na Academia e as distintas normas da lingua, entre outros traballos.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de xuño de 2022
21 de xuño de 2022
O proxecto Corpus Documentale Latinum Gallaeciae (CODOLGA), que se desnvolve no marco dun convenio existente entre a USC e o Centro Ramón Piñeiro para a Investigación en Humanidades, presentou unha nova versión da súa base de datos, a número 18, nun acto ao que asistiron, entre outros, Valentín García, secretario xeral de Política Lingüística e Xosé Carracedo Fraga, director do CODOLGA.
21 de xuño de 2022
As subvencións a empresas e asociacións que traballan en valenciano e os Premios Literarios Ciudad de Sagunto son as dúas convocatorias anuais que publica o Gabinete de Promoción do Valenciano do Concello de Sagunto e que estarán abertas ata o 25 de xullo. Con esta iniciativa, o departamento busca normalizar a lingua no ámbito cultural, asociativo e económico.
Fonte: elperiodic.com
20 de xuño de 2022
O secretario xeral de Política Lingüística, Valentín García, e o delegado da Xunta, Gonzalo Trenor, inauguraron na Biblioteca Pública da Coruña Miguel González Garcés a mostra itinerante Compromiso na distancia, dedicada a Florencio Delgado Gurriarán, homenaxeado este ano polo Día das Letras Galegas.
Fonte: O Portal da Lingua Galega
20 de xuño de 2022
Os consumidores da empresa ASUS xa poden consultar en catalán os manuais de uso de catro dos produtos máis vendidos en España, recibir atención telefónica e acceder a un formulario en liña de apoio técnico no que poden requirir asistencia, facer reclamacións ou pedir información nesta lingua.
Fonte: Generalitat de Catalunya
20 de xuño de 2022
Co obxectivo de aumentar o número de falantes de éuscaro en Pamplona, un grupo de mozos crea "Laba", un espazo que se localiza no centro da capital para chegar a un público maior e consolidar o uso desta lingua a través de actividades culturais moi variadas.
Fonte: elDiario.es
20 de xuño de 2022
A cantante Ruth Keggin e a arpista escocesa Rachel Hair publicarán o seu álbum Lossan co que queren honrar a lingua gaélica manx, falada na Illa de Man.
Fonte: Isle of Man Today
20 de xuño de 2022
A Casa da Cultura do Concello de Pantón será o lugar escollido para abrir o pano da edición 2022 de «Toponimízate. Falámosche dos nomes da túa terra», iniciativa da Real Academia Galega en colaboración coa Secretaría Xeral de Política Lingüística da Xunta de Galicia.
Fonte: RAG
19 de xuño de 2022
A edición deste ano do festival Rock in Rio Lisboa apostou pola comunicación das persoas xordas ao incluír intérpretes de lingua de signos nos concertos.
Fonte: Yahoo Notícias
18 de xuño de 2022
O comité de expertos da Carta Europea das Linguas Rexionais ou Minoritarias expresou a súa solidariedade co pobo ucraíno e denunciou nun comunidado que é inaceptable que Rusia siga a empregar a situación do ruso como lingua minoritaria en Ucraína como pretexto para a agresión militar.
Fonte: Council of Europe
Boletín
Subscríbase ao boletín
