Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Goberno do Quebec, a través da súa ministra de Relacións co Canadá, Sonia LeBel, enviou unha serie de propostas a Ottawa para mellorar o status da lingua francesa. Entre as medidas, o Goberno do Quebec quere que se supriman as normas de promoción da lingua inglesa na provincia.
Fonte: CBC
O colectivo cultural Fala Ceibe presentou as súas demandas para enfrontar o afastamento que padecen os falantes do galego estremeiro.
Fonte: Consello da Cultura Galega
Debido ao escaso uso do catalán na xustiza, acaba de presentarse un plan para reverter esta situación e garantir así os dereitos lingüísticos dos falantes desta lingua. Entre as medidas propostas destaca a constitución dun pacto nacional pola xustiza, cun grupo de traballo específico para cuestións lingüísticas; un código QR para interpoñer queixas por vulneración dos devanditos dereitos ou unha campaña de concienciación.
A Área de Normalización Lingüística elaborou a Breve guía para mellorarmos o uso do galego, que recolle os erros máis frecuentes atopados nos textos que diariamente se revisan neste servizo da Universidade de Vigo.
O secretario xeral de Política Lingüística, Valentín García, participou no auditorio de Afundación na entrega do Premio de Novela Camiño de Santiago que nesta segunda edición recaeu na obra Cruzados polo camiño. Conxecturas compostelás sobre un Papa ilustrado, de José G. Barral.
A Asociación Cultural Catalonia de São Paulo (Brasil) ofrecerá a partir de finais de xuño novas clases de lingua catalá de nivel básico e inicial.
Fonte: Aqui Catalunha
A Corte Suprema de Xustiza de Chile acolleu a constitución oficial da Rede Panhispánica de Linguaxe Clara (Red-PHLEC), un proxecto impulsado pola Real Academia Española (RAE) desde a presidencia da Asociación de Academias da Lingua Española (ASALE) co obxectivo de impulsar unha linguaxe clara e accesible en todo o mundo hispanofalante.
Fonte: Fundéu
Segundo se desprende dos resultados da medición do uso das linguas na rúa de 2021, o uso do éuscaro incrementouse en Tolosa nos últimos 36 anos e alcanza case o 51 %, a porcentaxe máis alta desde que se realizan as medicións, e supera por vez primeira vez o castelán.
Fonte: Tolosako Udala
Trátase dunha compilación de recursos multimedia que foran difundidos de xeito individual nas redes sociais e que agora se atopan reunidos nunha mesma páxina web. A través dunha serie de imaxes interactivas preténdese divulgar terminoloxía básica de diferentes áreas temáticas.
Fonte: Consello da Cultura Galega
O secretario xeral de Política Lingüística, Valentín García, asistiu ao acto do Día da Galeguidade Empresarial que promove o Foro Enrique Peinador e que este ano se levou a cabo nas instalacións da empresa Seguridade A1 de Santiago de Compostela.
Fonte: O Portal da Lingua Galega
Subscríbase ao boletín
