Trátase da primeira edición deste torneo cuadrangular no que participarán o Hamabi biscaíño, o Unión Tutera navarro, o Arranoak do País Vasco francés e o Aretxabaleta guipuscoano e que ten como obxectivo impulsar o uso do éuscaro.
Fonte: El Correo
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
10 de xuño de 2022
10 de xuño de 2022
A Universidade de Cabo Verde en Praia presentou a primeira tradución á lingua caboverdiana dunha banda deseñada das aventuras de Tintín. Trátase do primeiro volume da colección e levará o título de Tintin na Tibeti.
Fonte: Sapo
10 de xuño de 2022
O Plan de formación lingüística e cultural (FOLC), xunto co nivel C1 de catalán, será imprescindible para calquera proceso selectivo de acceso ao corpo de persoal docente a partir de 2023.
Fonte: Diario de Mallorca
10 de xuño de 2022
A Generalitat, a Deputación de Tarragona e oito municipios desta provincia asinaron un plan de actuación para impulsar medidas destinadas a mellorar a utilización do catalán, así como reforzar o seu uso social.
Fonte: Diari Més
10 de xuño de 2022
O Concello de Valdoviño xa conta con ordenanza municipal de uso social da lingua galega, que regula os usos lingüísticos polos que debe rexerse tanto esta institución como as empresas adxudicatarias, concesionarias ou contratadas por ela.
Fonte: Consello da Cultura Galega
10 de xuño de 2022
O Certame Ouff Escola, organizado polo Concello de Ourense, en colaboración coa Secretaría Xeral de Política Lingüística, chega á súa 13ª edición. Os centros educativos participantes poderán presentar obras audiovisuais en lingua galega de ata 20 minutos de duración.
Fonte: Consello da Cultura Galega
10 de xuño de 2022
O ministro de Cultura, Miquel Iceta, e o presidente da Feira do Libro de Frankfurt, Jürgen Boos, presentaron o programa do evento internacional que contará coa participación de España como convidado de honra. O ministro declarou que o 25 % das obras que se presentarán na feira serán en linguas oficiais do Estado diferentes ao castelán.
Fonte: La Vanguardia
09 de xuño de 2022
Ao abeiro da campaña de dinamización lingüística «Eu merco en galego» levaranse a cabo dúas accións: «Falo e gaño co galego», na que se distribuirán materiais polo comercio e a pequena empresa, así como premios entre a clientela; e «Sacamos o sombreiro ao galego», unha instalación na rúa con 1400 sombreiros con lemas nas vías comerciais polas que transcorre o Camiño de Santiago.
09 de xuño de 2022
O Goberno de España creará o Observatorio Global do Español, que terá a súa sede na Rioxa, un centro de análise e prospectiva que fomentará o coñecemento e o prestixio desta lingua, así como das culturas hispánicas no proceso de transformación dixital.
Fonte: Fundéu
09 de xuño de 2022
Elkargoak Euskaraz nace ao abeiro do proxecto BasquePRO para impulsar o uso do éuscaro nos colexios profesionais, o que supón unha oportunidade para unificar esforzos nos procesos de euscaldunización e promoción desta lingua.
Fonte: Gobierno Vasco
Boletín
Subscríbase ao boletín
