Desde o inicio da guerra en Ucraína, cada vez máis cidadáns ucraínos do leste de Ucraína decidiron adoptar a lingua ucraína como propia e rexeitar o uso do ruso como mostra de oposición ao exército invasor.
Fonte: The Guardian
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de xuño de 2022
O protocolo de cooperación entre São Paulo e Coímbra permitirá que esta segunda cidade poida albergar a sede europea do Museo da Lingua Portuguesa.
Fonte: Mundo Lusíada
03 de xuño de 2022
O Plan estratéxico do éuscaro é produto do compromiso da Federación Guipuscoana de Fútbol que, consciente da importancia do deporte para a transmisión da lingua, quere usar o seu liderado e o seu papel como referente para fomentar o seu uso nas relacións internas e externas, nos partidos e nos adestramentos.
03 de xuño de 2022
Ao abeiro dunha campaña de promoción lingüística que ten como lema «En valencià és més dolç», o Concello de Xàtiva repartirá entre os establecementos hostaleiros do municipio máis de 170 000 sobres de azucre con frases feitas e refráns en valenciano.
Fonte: El Periòdic
03 de xuño de 2022
O Plan de fortalecemento do catalán no sistema universitario foi asinado por todas as universidades públicas e privadas, agás a Abat Oliba. O obxectivo deste plan é que en 2025 nas universidades o 80 % das clases se imparta nesta lingua.
Fonte: El País
03 de xuño de 2022
O secretario xeral de Política Lingüística, Valentín García, foi convidado ao colexio CEIP Plurilingüe Barrié de la Maza en Santa Comba para facer entrega dos premios do Concurso de Debuxo Pepe de Xan Baña nun acto en homenaxe ao escritor galego José Baña Pose, máis coñecido polo seu alcume.
03 de xuño de 2022
O Senado do Brasil escolleu un novo representante brasileiro na Comunidade de Países de Lingua Portuguesa. Juliano Féres Nascimento ocupará o cargo de representante permanente do Brasil nesta institución que ten como obxectivo a promoción e defensa da lingua portuguesa, entre outros.
Fonte: Rádio Senado
03 de xuño de 2022
A carreira popular La Passem percorrerá 600 km por toda Occitania para reivindicar o uso e a transmisión da lingua occitana.
Fonte: La Depeche
02 de xuño de 2022
O concurso literario AMIC-Ficcions 2022 fixo entrega en Barcelona do premio á Mellor Historia en catalán escrita polo alumnado de secundaria. O certame seleccionou 200 finalistas de entre 4493 participantes de 284 centros educativos de Cataluña, Illas Baleares, Comunidade Valenciana, Aragón e Cataluña do Norte
02 de xuño de 2022
O festival Youtubeiras chega á súa sexta edición para encher as redes de contidos audiovisuais en galego. Recupérase, ademais, a presencialidade tras dous anos de paréntese no encontro creativo e nas xornadas en centros educativos.
Fonte: CulturaGalega
Boletín
Subscríbase ao boletín
