Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Na Administración xeral do País Vasco, máis do 90 % do persoal interino acreditou o perfil lingüístico do seu posto, en función das características do servizo e o traballo que realizan, o que garante a correcta execución en éuscaro das súas funcións.
Fonte: El Diario
Esta convocatoria, á que se destinaron 300 000 euros, está dirixida ás persoas adultas que queiran aprender éuscaro. As subvencións concederanse ás modalidades de internado, cursos extensivos e intensivos, autoaprendizaxe e cursos específicos.
O documental Fálame sempre versa sobre a lingua galega no territorio do Bierzo e está dirixido por Umberto Corral. Trátase dun proxecto colectivo elaborado por un equipo pequeno que se desprazou por varias localidades da zona para coñecer a súa situación lingüística.
Fonte: El Bierzo Digital
O director xeral de Cultura, Anxo M. Lorenzo, e o delegado territorial da Xunta en Ourense, Gabriel Alén, inauguraron na Biblioteca da Xunta en Ourense a exposición itinerante «Florencio Delgado Gurriarán. Bebedeira de ensoños», unha das máis de 150 actividades da programación institucional da Xunta nas Letras Galegas 2022.
O secretario xeral de Política Lingüística, Valentín García, participou na presentación da guía da Real Academia Galega (RAG) Ideas para un plurilingüismo dende o galego no Concello de Ames, un dos proxectos levados a cabo ao abeiro do Fondo de proxectos culturais Xacobeo 21-22 da Xunta de Galicia.
A asociación de ensino de éuscaro AEK ofrece diferentes cursos desta lingua para persoas adultas durante o verán no País Vasco francés.
Fonte: Mediabask
O proxecto Anima-Euskera é unha homenaxe audiovisual e ilustrada a cinco personaxes que mantiveron vivo o éuscaro e a cultura en Navarra: Perpetua Saragüeta, Mariano Izeta, Julia Fernández Zabaleta, Ceferina Fontellas e Juan de Amendux.
Fonte: Diario de Navarra
Este certame ten como obxectivos estimular a creatividade da mocidade e impulsar a creación de vídeos en galego. Está destinado ao alumnado de secundaria e bacharelato, que deberá elaborar un vídeo, dunha duración máxima de 1 minuto, no que se use esta lingua, feito a través da plataforma TikTok.
Fonte: Código Cero
Valentín García, secretario xeral de Política Lingüística, participou no acto organizado pola Fundación Xosé Neira Vilas en homenaxe a Luis Reimóndez Fernández, anterior presidente da entidade.
Fonte: O Portal da Lingua Galega
Lanzan, co gallo do festival da lingua galesa para mozos e mozas Urdd Eisteddfod, o sitio web Lingo360, un espazo en liña de noticias dedicado a persoas que estudan galés.
Fonte: Nation Cymru
Subscríbase ao boletín
