Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Unha das novidades de iOS 16 é que o sistema pode ler contidos en idiomas cooficiais como catalán, éuscaro, galego e valenciano. De momento, o que desenvolveu Apple son as voces básicas nestas linguas para poder ler texto a persoas que necesiten esa función de accesibilidade.
Fonte: Applesfera
Organizado polas comisións de normalización lingüística das facultades de Ciencias, Enfermaría, Farmacia, Medicina e Odontoloxía, Óptica e Optometría, Psicoloxía e Veterinaria, o certame #TEDSaúde naceu pola escaseza de contidos divulgativos sobre ciencias da saúde en galego.
O municipio de Blaenau Gwent, no sur do País de Gales, aprobou a construción dunha nova escola de ensino primario de inmersión en galés. O centro contará con 210 alumnos e alumnas.
Fonte: South Wales Angus
No Agrupamento de Escolas de Miranda do Douro, no distrito portugués de Bragança, a maioría de alumnas e alumnos, o 79 %, escolleu a materia de Lingua e Cultura Mirandesas. Isto supón un notable incremento respecto a anos anteriores.
Fonte: Público
Baixo o lema «Euskararekin irabazi egingo duzu/ Con el euskera ganarás», o Concello de Bilbao pon en marcha unha nova campaña de matriculación nos euskaltegis da cidade que incide nas vantaxes de aprender e usar esta lingua nos diferentes ámbitos.
A Semana do Libro en Catalán, que ten como lema «La llengua que ens uneix», celebrarase ata o 18 de setembro nunha edición que apostará pola unidade da lingua catalá e por reivindicar o seu uso social.
Fonte: Última Hora
Entre os días 21 e 23 de setembro a Facultade de Filoloxía da Universidade de Santiago acolle este congreso que ten como lema «Os camiños de Santiago de Europa cara a Galicia. Lugares, nomes e patrimonio».
Fonte: Real Academia Galega
Arredor de 8300 novos estudantes están matriculados xa na Universidade do País Vasco. Respecto ao idioma, o 53,5 % realizará os seus estudos de grao en grupos de éuscaro e o 46,5 %, en castelán.
Fonte: EITB
Trátase do segundo punto da autoaprendizaxe do municipio, un servizo gratuíto que ofrece o Concello que consta de varias sesións titorizadas de catalán dos niveis inicial, medio e superior, así como de linguaxe administrativa.
Fonte: Diario de Ibiza
O Centro de Día de Cesantes foi o punto de partida do proxecto «A memoria da estirpe», iniciativa promovida polo Concello de Redondela para recuperar, conservar e poñer en valor o patrimonio oral das persoas maiores do municipio.
Fonte: Concello de Redondela
Subscríbase ao boletín
