Co fin de preservar a pureza da lingua francesa, o Goberno de Francia prohibiu o uso de termos relacionados co ámbito dos videoxogos como 'gamer' ou 'e-sports' e propuxo no seu lugar formas tipicamente francesas.
Fonte: The Guardian
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
31 de maio de 2022
Despois dun completo estudo, a Real Academia Galega proporá que no Nomenclátor se produza un cambio de grafía no nome da parroquia carballesa para que pase a escribirse Verdillo, con uve.
Fonte: Real Academia Galega
31 de maio de 2022
O Concello de Azkoitia modificou as bases para outorgar axudas por aprender éuscaro co obxectivo de garantir a gratuidade.
Fonte: El Diario Vasco
31 de maio de 2022
O Consorcio para a Normalización Lingüística impulsa Totjoc, un programa de promoción do xogo en catalán, co que pretende facer máis visibles os seus obxectivos: fomentar o uso desta lingua a través de actividades lúdicas, dar a coñecer a oferta de xogos e xoguetes en catalán e colaborar coas empresas que o incorporan aos seus produtos.
31 de maio de 2022
O secretario xeral de Política Lingüística, Valentín García, e o director xeral de Cultura, Anxo M. Lorenzo, participaron na inauguración da exposición itinerante «Compromiso na distancia», unha das iniciativas coas que a Xunta de Galicia celebra o ano de Florencio Delgado Gurriarán, figura destas Letras Galegas 2022.
31 de maio de 2022
O secretario xeral de Política Lingüística, Valentín García, participou na presentación do novo ámbito dos estudos históricos e sociais do Centro Ramón Piñeiro para a Investigación en Humanidades, dependente da Xunta de Galicia.
Fonte: O Portal da Lingua Galega
30 de maio de 2022
Unha canción interpretada en corso pola cantante Doria Ousset gaña o festival Liet International que fomenta o uso das linguas minorizadas de Europa e que tivo lugar na localidade dinamarquesa de Tønder.
Fonte: Jornalet
30 de maio de 2022
O suahili, unha lingua bantú orixinaria do leste de África que naceu como un dialecto "escuro", é hoxe a lingua máis comunmente falada no continente africano con 200 millóns de falantes. Un importante movemento quere convertela na lingua franca de toda África.
Fonte: BBC News
30 de maio de 2022
O libro Viure a Catalunya. Vocabulari en imatges incorpora por primeira vez o ruso e o ucraíno, que se suman ao catalán, castelán, francés, inglés, italiano, alemán, árabe e chinés. Trátase dun vocabulario básico en imaxes que contén máis de 1000 palabras en catalán asociadas a unha ilustración e agrupadas por temas.
30 de maio de 2022
A Real Academia Española (RAE) e Amazon Web Services (AWS) presentaron en Madrid unha ferramenta de análise do español que permite examinar decenas de miles de documentos de Internet co obxectivo de valorar a situación desta lingua no mundo.
Fonte: Real Academia Española
Boletín
Subscríbase ao boletín
