Aragón TV estrea A Escampar La Boira, o primeiro late night nas tres linguas que se falan nesta comunidade, que abordará temas de actualidade desde unha perspectiva dinámica, desenfadada e multilingüe.
Fonte: El Periódico de Aragón
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de maio de 2022
Segundo o último informe de European Lenguage Equality (ELE), existe unha fenda importante respecto ao catalán e o éuscaro en canto á presenza na web e en produtos e tecnoloxías desenvolvidos en galego.
Fonte: Consello da Cultura Galega
24 de maio de 2022
Representantes de organizacións de comunidades con linguas cooficiais emitiron un comunicado conxunto no que lembran as súas propostas para que a nova Lei do audiovisual recoñeza a pluralidade lingüística como principio básico e iguale contidos e porcentaxes mínimas en todas estas linguas.
Fonte: Galicia Confidencial
24 de maio de 2022
A Xunta e a Universidade de Santiago organizan unha xornada aberta ao público xeral, universidades, empresas e administracións públicas ao redor do Proxecto Nós de intelixencia artificial ao servizo da lingua galega, a iniciativa na que se está a traballar para acadar a total inclusión do galego no mundo dixital e tecnolóxico.
23 de maio de 2022
O pobo orixinario de Liard, no territorio canadense de Yukon, no Canadá, lanzou unha aplicación para difundir e salvagardar a lingua nativa kaska.
Fonte: CBC
23 de maio de 2022
O Parlamento de Portugal aprobou unha proposta do partido PAN (Persoas-Animais-Natureza) para permitir a contratación de 25 intérpretes de lingua de signos no servizo nacional de saúde.
Fonte: Diário de Notícias
23 de maio de 2022
A Deputación da Coruña destina 125 000 euros para apoiar a distribución, comercialización e exhibición audiovisual en lingua galega na provincia, cun importe máximo por beneficiario de 30 000 euros.
Fonte: Galicia Confidencial
23 de maio de 2022
Estas dúas liñas de axuda teñen como obxectivo aumentar a oferta de contidos audiovisuais en catalán: unha para estreas en sala, dirixida a empresas distribuidoras; e outra para dobraxe e subtítulos en catalán de longametraxes e series para plataformas dixitais e en soporte físico, destinada a empresas distribuidoras e estudios de dobraxe.
23 de maio de 2022
Un total de trinta centros educativos recibirá da Fundación Carulla 40 000 euros pola súa compoñente transformadora e por apostar pola arte, a cultura e o catalán como ferramentas de cambio.
Fonte: La Vanguardia
21 de maio de 2022
Milleiros de persoas marcharon polas rúas da cidade norteirlandesa de Belfast para reclamar lexislación que protexa o gaélico irlandés e garanta dereitos para os seus falantes en Irlanda do Norte.
Fonte: Irish Times
Boletín
Subscríbase ao boletín
