O secretario xeral de Política Lingüística, Valentín García, participou no Pazo de San Roque na presentación da proposta musical «Novas Músicas en Galego», promovida pola Xunta de Galicia, que terá o seu espazo no festival Go!Go!Zo! Xacobeo 21-22 no Monte do Gozo.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de setembro de 2022
Go!Go!Zo! Xacobeo 21-22 aposta polo talento das bandas emerxentes co ciclo ‘Novas músicas en galego’
09 de setembro de 2022
O ministro de Educación de Estonia, Tõnis Lukas, anunciou que o estoniano vai ser no próximo curso a única lingua de instrución na maioría dos centros educativos do país.
Fonte: BNN
09 de setembro de 2022
Kela, a institución da seguridade social de Finlandia, ofrecerá un servizo de interpretación instantánea ás persoas que non falen finés ou sueco.
Fonte: YLE
08 de setembro de 2022
Do 5 ao 9 de setembro celébranse as xornadas «Las lenguas del Camino» que inclúen seis conferencias sobre a historia, a evolución e a situación actual das linguas que se falan por onde discorren as distintas rutas do Camiño de Santiago no norte da península.
Fonte: Gente
08 de setembro de 2022
O sindicato FAC-USO Galicia interpuxo un recurso de reposición contra as bases da Oferta de Emprego Público de 2019 por incluír a esixencia de proba de coñecemento de castelán e non de galego.
Fonte: Galicia Confidencial
08 de setembro de 2022
A Facultade de Educación e Traballo Social do campus de Ourense puxo en marcha o pasado curso esta iniciativa co dobre obxectivo de fomentar o uso do galego e a reflexión crítica sobre temas de interese social. Para esta nova edición están programadas tres sesións centradas en “realidades invisibilizadas” coa participación das escritoras An Alfaya, Paula Carballeira e Eva Mejuto.
07 de setembro de 2022
A Oficina Federal de Estatística de Suíza revelou que no ano 2020 un 23 % das persoas residentes no país alpino falan como primeiro idioma unha lingua diferente ás catro linguas nacionais, o que supón un aumento de catro puntos porcentuais respecto ao 2010.
Fonte: 20 minutes
07 de setembro de 2022
Unha asociación a prol do éuscaro da localidade vascofrancesa de Saint-Jean-Pied-de-Port (Donirane Garazi, en éuscaro) decidiu mudar a orde dos topónimos e dar prioridade á denominación en lingua vernácula na sinalización de entrada á poboación.
Fonte: Mediabask
07 de setembro de 2022
En total ofrécense máis de 1300 cursos de catalán de todos os niveis que suporán unhas 28 500 prazas. Respecto á modalidade, poderán ser presenciais ou en liña, e tamén semivirtuais.
Fonte: Generalitat de Catalunya
07 de setembro de 2022
O Centro de Interpretación do Aragonés acollerá o festival MosiCasbas que ten como obxectivo poñer en valor esta lingua a través da música. En total, celebraranse catro concertos cada domingo desde o 11 de setembro ata o 2 de outubro.
Fonte: El Periódico de Aragón
Boletín
Subscríbase ao boletín
