O presidente da Real Academia Galega e o presidente do Senado reuníronse na sede da institución na Coruña para poñer en marcha políticas de colaboración que incidan na promoción da lingua e da cultura galegas da cara á sinatura dun convenio que permita reforzar o uso deste idioma dende a Cámara Alta.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de xuño de 2022
13 de xuño de 2022
A Generalitat de Cataluña convoca unha liña de axudas á tradución de obras non literarias ao catalán, á que destinará unha partida orzamentaria de 260 000 € e que está destinada a editoriais que, grazas a esta convocatoria, poderán subvencionar o 70 % do custo do proxecto.
13 de xuño de 2022
Partekatu é unha web para aprender éuscaro en liña e de xeito sinxelo. Contén decenas de artigos divididos en tres categorías que responden dúbidas sobre esta lingua: gramática, vocabulario e blog.
Fonte: Gasteiz Hoy
13 de xuño de 2022
O Congreso dos Deputados rematou a tramitación parlamentaria da Lei xeral de telecomunicacións que, entre outras cuestións, obriga a que os servizos de atención á clientela deberán ofrecerse en castelán e na lingua oficial da comunidade autónoma correspondente.
Fonte: Congreso de los Diputados
13 de xuño de 2022
O secretario xeral de Política Lingüística, Valentín García, asistiu no Salón Nobre de Fonseca da Universidade de Santiago de Compostela (USC) ao acto da XIII Asemblea da Irmandade Xurídica Galega (IXUGA), encabezada polo seu presidente, Xoaquín Monteagudo.
13 de xuño de 2022
O secretario xeral de Política Lingüística, Valentín García, asistiu no Pazo de San Roque á presentación da serie documental Corpo de vento: viaxe ao corazón dos órganos galegos, realizado pola produtora Sirgo Torcendo ao abeiro do Fondo de Proxectos Culturais Xacobeo 21-22 da Xunta de Galicia.
13 de xuño de 2022
A Axencia Rexional para a Lingua Friulana (ARLeF) abriu un concurso público para deseñar a certificación en lingua friulana e definir os niveis de coñecemento desta lingua seguindo o Marco Común Europeo de Referencia para as Linguas.
Fonte: Il Friuli
13 de xuño de 2022
Sky News Arabia creou a nova plataforma dixital en lingua árabe SNABusiness.com que se especializará na análise económica e ofrecerá reportaxes detalladas sobre diferentes temas de actualidade dos países de fala árabe.
Fonte: Arab News
11 de xuño de 2022
O Dalai Lama presentou na localidade india de Dharamsala o dicionario de lingua tibetana Monlam que axudará a preservar e difundir a lingua tibetana tanto no Tíbet como na diáspora.
Fonte: The Tribune
11 de xuño de 2022
Grazas a unha campaña de financiamento colectivo, publicouse Lagastina, un libro CD de cancións e contos en occitano para que as crianzas vaian incorporando o uso desta lingua no seu día a día.
Fonte: Jornalet
Boletín
Subscríbase ao boletín
