Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A Federación Galega de Municipios e Provincias fixo pública unha declaración institucional co gallo da celebración do Día das Letras Galegas na que se manifesta a favor do uso do galego como lingua xurídica e administrativa, en concreto, da necesidade de normalizar os usos lingüísticos da policía local.
Fonte: Consello da Cultura Galega
O secretario xeral de Política Lingüística, Valentín García, asistiu no Museo Pedagóxico de Galicia (MUPEGA) á entrega dos premios literarios Frei Martín Sarmiento, organizados pola Federación de Relixiosos do Ensino, FEREGA-CECA, máis coñecida pola marca Escolas Católicas.
Un total de 160 comercios de Esparreguera acaba de sumarse a un programa polo que se comprometen a garantir a atención en catalán á súa clientela, grazas ao que lucirán un adhesivo verde na fachada do negocio.
Fonte: El LLobregat
O secretario xeral de Política Lingüística, Valentín García, participou na presentación do proxecto dixital “Memoria e patrimonio”, realizado ao abeiro do Fondo de Proxectos Culturais en lingua galega Xacobeo 2021-2022 da Xunta de Galicia.
Fonte: O Portal da Lingua Galega
O secretario xeral de Política Lingüística, Valentín García, asistiu en Rodeiro á presentación do espectáculo musical Son galego, Son cubano, do cantante Roi Casal.
Fonte: O Portal da Lingua Galega
Google anunciou que engadiu 24 novas linguas ao seu repertorio de Google Translate. Entre estes idiomas destacan tres falados en América do Sur: guaraní, quechua e aimará.
O discurso de apertura do Parlamento de Irlanda do Norte incluirá propostas concretas que apostan pola aprobación de lexislación a prol da lingua gaélica neste territorio británico.
Fonte: Belfast Telegraph
A Xunta de Galicia e a distribuidora alimentaria Vegalsa-Eroski colaboran un ano máis na promoción da lingua e a cultura galegas co gallo do Día das Letras. O secretario xeral de Política Lingüística, Valentín García, presentou no hipermercado Eroski A Sionlla de Santiago de Compostela a nova campaña conmemorativa dirixida ao sector comercial, con bolsas da compra de papel e carteis coa imaxe de Florencio Delgado Gurriarán, autor homenaxeado neste 17 de maio.
O Centro de Interpretación do aragonés “Ana Abarca de Bolea” é o primeiro espazo estable para a investigación, promoción e difusión desta lingua, onde se dará a coñecer a súa historia e como se fala en cada un dos lugares nos que se conserva.
Fonte: Diario del Alto Aragón
O Observatorio Nebrija do Español (ONE) nace para estudar esta lingua en relación coas migracións, os fluxos económicos e a cultura. O seu papel na selección de destino dos inmigrantes, o impacto económico, social e artístico das feiras de arte contemporánea en español ou o seu estudo na industria audiovisual son exemplos das investigacións que se levarán a cabo e que se darán a coñecer ao público a través da publicación regular de documentos de traballo ou artigos en revistas especializadas, entre outros.
Subscríbase ao boletín
