Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Segundo se desprende das últimas cifras do censo de Statistics Canada, incrementouse no país o número de persoas que teñen unha lingua diferente do francés ou o inglés. Malia que estes continúan a ser os idiomas máis comúns entre a poboación, no caso do francés diminuíu a cifra de falantes.
Fonte: Noticias del Mundo
Grazas a unha subvención de 3317,34 euros recibida da Deputación de Pontevedra, o Concello de Redondela continuará co proxecto de recuperación e divulgación da toponimia que está a levar a cabo no municipio.
Fonte: Atlántico
A Asociación Recreativa e Cultural de San Martiño de Pino, o Concello de Cospeito e Culturalia GZ convocan a quinta edición do Certame de Poesía da Torre de Caldaloba co obxectivo de promocionar a torre e o municipio e a lingua e a literatura galegas.
Fonte: El Progreso
O docente Equicio Rufino Paxi Coaquira presentou a Gramática del idioma quechua, un volume que contén reflexións sobre a estrutura desta lingua a nivel fonético, fonolóxico, morfolóxico, sintáctico e léxico.
Fonte: Onda Azul
As asociacións culturais Elutseder do val de Erro e Garaitzeko Asi de Burguete puxeron en marcha unha iniciativa para transmitir cancións populares en éuscaro destas dúas localidades pirenaicas.
Fonte: EITB
A Deputación de Badaxoz puxo en marcha o programa Assina co que, a través de obradoiros e charlas, quere dar a coñecer e poñer en valor a realidade lingüística de Estremadura nas comarcas pacenses.
Fonte: Región Digital
Esta actividade formativa para o ensino do idioma vietnamita, celebrada en Hanoi, está destinada a mestres do país indochinés en ultramar e nela participaron persoas procedentes de nove países do mundo.
Fonte: Vietnam +
O Consell de Formentera convocou unha liña de axudas para o fomento do uso do catalán nos sectores do comercio, a restauración, a industria e os servizos da illa que cubrirán gastos como rótulos, carteis, merchandaxe, páxinas web... cun máximo de 1000 euros por beneficiario.
Fonte: Nou Diari
Mentres que a Constitución de 1980 non fai referencia ningunha á diversidade lingüística de Chile, a nova, se ben non recolle toda a complexidade sociolingüística do país, recoñece esta diversidade e establece unha serie de normativas lingüísticas e deberes do Estado nesta materia.
Fonte: Diario Uchile
Esta universidade, que terá a súa sede na Cidade de México, impartirá licenciaturas de Ensino de Linguas Indíxenas, Interpretación e Tradución en Linguas Indíxenas, Literatura en Linguas Indíxenas e Comunicación Indíxena Intercultural.
Fonte: El Economista
Subscríbase ao boletín
