Unha década despois de aprobar a lei que oficializa constitucionalmente a lingua bérber ou amazigh, Marrocos comeza a introducir o seu uso en institucións como o Parlamento e as administracións públicas.
Fonte: El Diario
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de maio de 2022
O evento terá lugar en Palma, no marco do Mallorca Game, a convención de videoxogos máis grande celebrada en Baleares. Poderán visitala persoas de todas as idades, usuarios habituais de videoxogos e persoas que queren descubrilos.
Fonte: Ara Balears
03 de maio de 2022
Baixo o lema “Non máis desprezo, dereitos para todos e todas”, a manifestación enmárcase na campaña que vai en contra da proposta de decreto do Goberno de Navarra para eliminar a valoración do coñecemento do éuscaro nos concursos de acceso a prazas da administración pública na zona non vascófona da comunidade.
Fonte: Plaza Nueva
03 de maio de 2022
A Secretaría de Política Lingüística de Cataluña suma oito vídeos novos a esta serie, protagonizados polo mago Eduard Juanola, que propón temas de interese para iniciar conversas en catalán, como os grandes inventos da humanidade. Os vídeos van dirixidos a parellas lingüísticas do Voluntariado pola Lingua, ao alumnado do Consorcio para a Normalización Lingüística (CPNL) e a todos os aprendices desta lingua.
03 de maio de 2022
O secretario xeral de Política Lingüística, Valentín García, participou na presentación da segunda edición do festival «O que non se escribe. Arquivos sonoros e creación contemporánea», unha cita que conta co apoio da Xunta de Galicia e que está dirixida por Aitana Cuétara, responsable de Luneda Produccións.
02 de maio de 2022
A substitución do topónimo Glan y Môr, un pequeno lugar do centro de Gales, pola forma inglesa Aber Bay levanta unha fonda polémica. A asociación a prol da lingua galesa Cymdeithas yr Iaith Gymraeg demanda ao goberno que tome medidas inminentes para restituír o topónimo orixinal.
Fonte: Metro
02 de maio de 2022
A neurocientista estadounidense Ursula Bellugi, que demostrou que as linguas de signos son idiomas por dereito propio, faleceu aos 91 anos de idade.
Fonte: New York Times
02 de maio de 2022
Preto de 7000 persoas inscribíronse para a obtención do certificado oficial de catalán C2, a cifra máis elevada alcanzada para este nivel, xa que se conseguiu un incremento do 192,38 % con respecto ao ano 2021.
Fonte: Generalitat de Catalunya
02 de maio de 2022
O Concello de Redondela puxo en marcha un proxecto de recuperación, conservación, estudo e difusión da microtoponimia do municipio, co obxectivo de evitar a perda da riqueza do seu patrimonio inmaterial. Deste xeito, publicaranse tres libros que recollen a microtoponimia das parroquias de Cabeiro, Negros e Vilar de Infesta.
29 de abril de 2022
O Goberno vasco, ao abeiro da convocatoria Euskalgintza, destinará 1 550 000 euros (200 000 euros máis que o ano pasado) a proxectos de fomento do éuscaro na vida social en 2022.
Fonte: Irekia
Boletín
Subscríbase ao boletín
