Ao longo do curso pasado, o alumnado deste centro de secundaria rexistrou o léxico propio desta zona e levou ao museo comarcal unha escolma das súas palabras máis queridas que están expostas nun taboleiro nunha das salas.
Fonte: El Progreso
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de agosto de 2022
O Goberno de Letonia quere aprobar unha lei para restrinxir o uso do ruso nos sectores público e privado, así como no comercio co obxectivo de aplicar os resultados do referendo de 2012 sobre o emprego desta lingua.
Fonte: SwissInfo
19 de agosto de 2022
Despois de 21 edicións, o concurso internacional de curtametraxes de estudantes de cine incluirá, por primeira vez, dúas curtametraxes rodadas en éuscaro. O Premio Nest é concedido polo Zinemaldia e polo centro Tabakalera e, este ano, seleccionou 13 películas das 350 presentadas por 160 escolas de 44 países.
Fonte: Noticias de Gipuzkoa
19 de agosto de 2022
O prazo de matriculación para os cursos de éuscaro do Concello de Vitoria-Gasteiz estará aberto do 5 ao 14 de setembro. Estes cursos van dirixidos a pais e nais, persoas maiores de 55 anos, persoas de orixe estranxeira e persoas empregadas nos sectores do comercio e da hostalería.
Fonte: La Vanguardia
19 de agosto de 2022
Como cada ano o 25 de agosto celébrase o Día do Idioma Guaraní para conmemorar o recoñecemento deste como lingua oficial de Paraguai como se recolle na Constitución deste país.
Fonte: ABC
18 de agosto de 2022
O asturiano inclúese xa na listaxe de 15 idiomas que se poderán aprender na Universidade de Oviedo, xunto ao español para estranxeiros. En concreto, impartirase en multinivel A1-B2 e o número de prazas do curso ascende a 25.
Fonte: Asturies.com
18 de agosto de 2022
A Agrupación de Persoas Xordas de Granada e Provincia (Asogra), en colaboración coa Deputación de Granada, desenvolveron un proxecto en lingua de signos para ofrecer información cultural e turística dos municipios da provincia para que esta se converta nun referente en materia de accesibilidade para as persoas deste colectivo.
18 de agosto de 2022
Fancisco Escudero El Perrete, cantaor estremeño de nai galega, compuxo unha serie de fandangos en galego dentro do seu novo proxecto, no que tamén quere trasladar ao cante jondo poemas de Rosalía de Castro e de Federico García Lorca.
Fonte: El Correo Gallego
18 de agosto de 2022
Este festival, que chega á súa décima edición, serve como escaparate das tradicións e a música en lingua galega. Organizado por Castiñeiro Milenario, tamén partiu da premisa de outorgarlle un papel destacado á muller.
Fonte: El Progreso
18 de agosto de 2022
Ata agora os usurarios de LinkedIn de Ucraína empregaban esta rede social profesional en ruso, idioma falado por unha ampla porcentaxe da poboación. Porén, acábase de anunciar que xa está dispoñible a versión en ucraíno.
Fonte: TreceBits
Boletín
Subscríbase ao boletín
