O conselleiro navarro de Educación presentou Punttuka, o primeiro método de aprendizaxe de lectoescritura en éuscaro dirixido a alumnado de infantil e primaria, tanto en tinta como en braille.
Fonte: Noticias de Navarra
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
11 de maio de 2022
11 de maio de 2022
A nova edición da campaña “Eskatu euskaraz eta saria irabazi”, á que se adheriron 28 establecementos, ten como obxectivo fomentar o uso do éuscaro en comercios, empresas de servizos e bares do municipio.
Fonte: Noticias de Álava
10 de maio de 2022
A partir do próximo ano lectivo, bota a andar un proxecto de alfabetización en francés en catro escolas primarias de Luxemburgo. Trátase dun proxecto experimental destinado a falantes de portugués e outras linguas de orixe latina.
Fonte: Contacto
10 de maio de 2022
O secretario xeral de Política Lingüística, Valentín García, xunto co xerente e o xefe de área comercial do Servizo Público de Renfe en Galicia, Javier Pérez e Alberto Martínez, respectivamente, presentaron as accións acordadas para a promoción da figura de Florencio Delgado Gurriarán, autor homenaxeado no Día das Letras Galegas neste 2022.
10 de maio de 2022
O secretario xeral de Cultura, Anxo M. Lorenzo, participou en Vilamartín de Valdeorras na inauguración da exposición itinerante Compromiso na distancia, unha das iniciativas enmarcadas na programación especial das Letras Galegas 2022 que levará o legado de Florencio Delgado Gurriarán por 10 localidades galegas ata decembro.
Fonte: O Portal da Lingua Galega
09 de maio de 2022
Dúas empresarias de Cimbabue, preocupadas pola perda de diversidade lingüística no continente africano, lanzaron a plataforma dixital Vambo Academy para fomentar o ensino de linguas africanas en liña.
Fonte: Swissinfo
09 de maio de 2022
A Asociación para o Recoñecemento do Idioma Pulaar en Mauritania lanzou unha petición para que se recoñezan os idiomas da comunidade negra do país (pulaar, sooninke e wolof) e se poidan introducir no sistema educativo.
Fonte: La Vanguardia
09 de maio de 2022
Esta convocatoria de axudas vai dirixida tanto á tradución para outras linguas de obras publicadas orixinariamente en galego como á tradución para o galego de obras publicadas orixinariamente noutras linguas.
Fonte: Consello da Cultura Galega
09 de maio de 2022
A Asociación de Medios en Galego, en colaboración con Dinahosting e PuntoGal, premiarán os usuarios que se subscriban ás publicacións participantes coa posibilidade de conseguir un dominio .gal e un aloxamento web para ese dominio durante un ano enteiro de xeito gratuíto.
Fonte: Código Cero
09 de maio de 2022
Con motivo da celebración da Semana das Letras Asturianas, máis de 2000 persoas percorreron as rúas de Oviedo para reclamarlle ao Goberno do Principado que impulse a oficialidade do asturiano.
Fonte: El Comercio
Boletín
Subscríbase ao boletín
