Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
A edición número quince do festival literario Expoesía, que se desenvolverá ao longo da primeira semana de agosto co lema «Versos vs Metaversos», terá Galicia como comunidade invitada coa presenza de destacados poetas e a académica Mercedes Queixas na xornada inaugural.
Fonte: El Mirón de Soria
Estes vídeos, cuxa duración oscila entre os 8 e os 28 minutos, conteñen conferencias breves do informe Un marc sociolingüístic igualitari per a la llengua catalana, nas que se resumen os puntos máis destacados deste.
Fonte: Generalitat de Catalunya
Máis da metade das persoas usuarias de Instagram en Cataluña configuraría esta app en catalán se ofrecese a opción de facelo, o que supón que a arredor de dous millóns e medio de internautas lles gustaría utilizar a rede social nesta lingua.
O presidente do Camões - Instituto da Cooperación e da Lingua, João Ribeiro de Almeida, anunciou a creación dun lectorado de lingua portuguesa en Corea do Sur a partir do 2023.
Fonte: Observador
O Museo da Lingua Portuguesa de São Paulo está a celebrar o seu primeiro aniversario tras a reapertura. Neste período recibiu 260 000 visitantes.
Fonte: Globo
O voceiro do Goberno vasco declarou que a protección de todas as linguas do Estado supón unha obriga constitucional, polo que o acordo sobre o catalán alcanzado na mesa de diálogo pode ser extensible ao éuscaro.
Fonte: NIUS
O Tribunal Superior de Xustiza de Cataluña levará ao Tribunal Constitucional a nova lei de uso das linguas nas escolas e o decreto de proxectos lingüísticos por excluír o castelán como lingua vehicular.
Fonte: Cadena SER
O Concello de Carballo publicou no BOP as bases do premio ao mellor proxecto de webserie en galego do Festival Carballo Interplay, un galardón que busca fomentar a creación e a difusión de contidos audiovisuais orixinais nesta lingua en internet.
Fonte: Consello da Cultura Galega
A Coordinadora de Traballadores/as de Normalización da Lingua lanzou unha iniciativa para este mes de agosto pola que van recompilar na súa conta de Twitter, co cancelo #veránlingua, recomendacións de lecturas, recursos audiovisuais, webs de proxectos…
Fonte: CTNL
Nenas e nenos procedentes de Ucraína asentados en Estonia, que fuxiron da guerra no seu país, asisten a campamentos de verán para melloraren os seus coñecementos da lingua estoniana.
Fonte: ERR
Subscríbase ao boletín
