Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Segundo os datos recollidos no informe de 2021, nese ano tramitáronse 488 queixas, atendéronse 55 consultas e recibíronse 58 parabéns. Ademais, duplicouse o número de queixas recibidas por vulneracións de dereitos lingüísticos.
Fonte: Consello da Cultura Galega
A presidenta do Colexio de Enfermaría de Portugal, Ana Rita Cavaco, demandou cursos intensivos de lingua portuguesa destinados a persoas refuxiadas procedentes de Ucraína. O obxectivo é que estas persoas aprendan a lingua para que poidan exercer a profesión canto antes.
Fonte: Jornal de Notícias
O Goberno de Lituania adaptará o seu sistema educativo e introducirá clases de ucraíno no currículo para que o alumnado refuxiado procedente de Ucraína poida seguir estudando na súa lingua materna.
Fonte: The Mayor
O conselleiro de Cultura, Educación e Universidade, Román Rodríguez, participou na presentación da programación das Letras Galegas 2022. Trátase dun amplo abano con máis de 150 actividades dedicado á figura do poeta, tradutor, editor, escritor e activista Florencio Delgado Gurriarán.
O primeiro ministro da República de Irlanda, Micheal Martin, declarou que o Reino Unido debe cumprir os seus compromisos coa lingua irlandesa en Irlanda do Norte e aprobar lexislación que garanta a súa protección.
Fonte: Irvine Times
O Premio Fernão Mendes Pinto (PFMP 2022) da Asociación de Universidades de Lingua Portuguesa (AULP, polas súas siglas en portugués) recompensará con 8000 euros os traballos que contribúan á aproximación entre países pertencentes á Comunidade de Países de Lingua Oficial Portuguesa (CPLP).
Fonte: Universidade Federal do Pará
A VII edición do Certame Literario en Galego terá como temática o Camiño de Santiago e conta con tres categorías: infantil (ata 14 anos), xuvenil (entre 14 e 18 anos) e adulta (a partir de 18).
Fonte: La Nueva Crónica
O edificio Kulturola de Arrasate foi o escenario da entrega do premio Abbadia Saria que recibiu o Grupo Fagor, un galardón co que se recoñece o labor colectivo realizado por esta entidade a prol da normalización do uso do éuscaro no lugar de traballo.
Fonte: Donostitk
Un total de quince empresas e centros formativos asinaron o seu compromiso de adhesión ao proxecto Landue para o fomento do éuscaro no ámbito socioeconómico, unha iniciativa posta en marcha hai un ano pola Mancomunidade de Durangaldea, xunto coa Deputación Foral de Biscaia e o Goberno vasco.
As Residencias Artísticas Mariñán supoñen unha aposta da Deputación da Coruña por fomentar a creación en galego, que terá neste 2022 a produción musical e literaria como principal motivo.
Fonte: Galicia Confidencial
Subscríbase ao boletín
