Altea acolle unha nova edición de Bellaguarda de Cine, un ciclo de cine en valenciano polo que cada martes se proxectará un filme e cuxa entrada será libre e gratuíta.
Fonte: El Periòdic
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
08 de xullo de 2022
O 8 de xullo Netflix estrea O monstro mariño (cuxo título orixinal en inglés é The Sea Beast), a primeira película de animación producida por esta plataforma integramente en galego. Este será un dos 70 títulos que, ata finais ano, Netflix incorporará nesta lingua ao seu catálogo.
07 de xullo de 2022
A Agrupación Reformista de Policías demanda que no exercicio voluntario de idioma, ademais de francés e inglés, se inclúa o resto de linguas oficiais: éuscaro, catalán, aranés, galego e valenciano.
Fonte: El Foro de Ceuta
07 de xullo de 2022
A Generalitat de Catalunya envioulle unha carta a Google na que lle reclaman que se poida consultar o servizo de Google News en catalán, así como que se incorpore esta lingua aos asistentes de voz de todos os servizos.
Fonte: DBalears
07 de xullo de 2022
Léocho?, con base en Santiago de Compostela, sacará á luz o venres 8 de xullo os dez primeiros audiolibros en galego, todos de autores do Rexurdimento, entre os que figurarán obras de Rosalía, Curros e Pondal, así como doutros menos coñecidos.
Fonte: Faro de Vigo
07 de xullo de 2022
O certame «Nós tamén creamos!», impulsado pola Secretaría Xeral de Política Lingüística e a Secretaría Xeral de Educación e Formación Profesional, en colaboración coa Corporación de Radio e Televisión de Galicia e OQO editora para fomentar o talento na creación de contidos audiovisuais en galego entre a xente nova, comunicou o palmarés da súa décima edición.
07 de xullo de 2022
O antigo mosteiro da Santissima Concezione, no complexo de Santa Maria Novella, en Florencia, é o espazo escollido para albergar o Museo Nacional do Italiano (Mundi) que acaba de abrir as súas portas ao público.
Fonte: Artemagazine
06 de xullo de 2022
A canle de televisión infantil arxentina Pakapaka estreou a serie de televisión Poemas de la Tierra que aspira a promover e difundir as linguas indíxenas que se falan na Arxentina.
Fonte: La Nueva Mañana
06 de xullo de 2022
O novo Centro de Interpretación do Aragonés «Ana Abarca de Bolea», que toma o nome dunha das súas abadesas que escribiu nesta lingua, ten como obxectivo divulgar e poñer en valor o aragonés e promover a súa aprendizaxe, así como sensibilizar e fomentar o compromiso cara a este idioma.
Fonte: Heraldo
06 de xullo de 2022
Memorias 1841-1843 de Juana de Vega foi editada pola Fundación Luzes en colaboración coa Fundación Juana de Vega polo 150 aniversario da súa morte. Ana Luísa Bouza foi a responsable da tradución ao galego desta obra baseada nuns manuscritos atopados no arquivo da Cámara do Congreso en 1910.
Fonte: Galicia Confidencial
Boletín
Subscríbase ao boletín
