Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Hizkuntz Eskubideen Behatokia (Observatorio de Dereitos Lingüísticos) presentou unha análise do persoal dos diferentes departamentos do Goberno de Navarra na que conclúe que na maioría deles o número de postos bilingües non chega ao 3 %.
Fonte: Noticias de Navarra
A Axencia Galega das Industrias Culturais (Agadic) lanza unha convocatoria de axudas para o ano 2022 destinadas a impulsar a creación e o talento audiovisual en galego.
Fonte: Consello da Cultura Galega
O conselleiro de Cultura, Educación e Universidade, Román Rodríguez, participou na Insua dos Poetas na celebración do Día Mundial da Poesía, onde destacou a Florencio Delgado Gurriarán como un poeta senlleiro na longa tradición literaria galega.
Fonte: O Portal da Lingua Galega
A Rede Galega de Teatros e Auditorios, impulsada pola Xunta en colaboración coas administracións locais, leva ao Teatro Principal de Ourense a estrea de O porco de pé, de Producións Teatráis Excéntricas.
Fonte: O Portal da Lingua Galega
As sancións impostas a Rusia pola invasión de Ucraína obrigaron a suspender as probas oficiais de lingua rusa destinadas a alumnado de bacharelato en Estonia.
Fonte: ERR
O presidente da Asociación Nacional de Directores de Agrupamentos e Escolas Públicas de Portugal declarou que o maior problema co que se encontran as crianzas procedentes de Ucraína é a barreira do idioma e pide recursos para fomentar a aprendizaxe do portugués como lingua non materna.
Fonte: CNN Portugal
O escritor Oscar Latas Alegre vén de publicar nun libro a súa investigación baseada no achado de 14 pastoradas, un xénero teatral desaparecido, no que recolle 150 textos orixinais datados entre 1814 e 1933 que permiten coñecer non só o aragonés decimonónico, senón tamén a súa castelanización e perda.
Esta nova convocatoria de axudas para fomentar o uso do catalán conta cunha partida orzamentaria de 325 000 euros, un 45 % máis respecto ao ano anterior. Están destinadas a concellos e persoas físicas e entidades sen ánimo de lucro que leven a cabo actuacións de promoción desta lingua.
Fonte: Crónica Balear
Segundo a enquisa realizada polo Síndic de Greuges entre máis de 50 000 estudantes de primaria e secundaria de máis de 1500 centros, o emprego do catalán nas aulas sitúase arredor do 60 %, mentres que o do castelán rolda o 33 %.
Fonte: La Vanguardia
Un total de 18 concellos (A Baña, Ames, A Coruña, Betanzos, Cedeira, Ferrol, Moaña, Narón, O Grove, Ponteceso, Pontevedra, Redondela, Ribadeo, Rianxo, Rois, Santiago de Compostela, Teo e Vilagarcía de Arousa) forma Alingua, Asociación de Entidades Locais pola Lingua Galega, que nace co obxectivo de desenvolver proxectos conxuntos a prol da normalización do galego.
Fonte: CulturaGalega
Subscríbase ao boletín
