Segundo a medición realizada pola Mancomunidade de Municipios Euscaldúns, Uema, e o Clúster de Sociolingüística en 2021, nos concellos co 80 % da poboación falante de éuscaro o emprego desta lingua descende.
Fonte: Diario Vasco
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
18 de marzo de 2022
Movistar+ ofreceu arredor de 1600 películas e 2359 capítulos de 265 series con subtítulos en éuscaro, segundo os datos ofrecidos ao Parlamento vasco, no marco do convenio con esta plataforma de televisión dixital. O obxectivo do acordo é fomentar a presenza desta lingua, así como a creación de contidos e o seu uso no contorno dixital.
18 de marzo de 2022
A asociación PuntoGal e a Mesa pola Normalización Lingüística acordan a promoción do dominio .gal para os establecementos adheridos ao proxecto Abertos ao Galego, de maneira que estes poidan facer o cambio de xeito gratuíto dos seus dominios web para .gal.
Fonte: Código Cero
18 de marzo de 2022
A Xunta publicará a convocatoria para inscribirse nas probas que permiten obter os certificados oficiais que acreditan os niveis de coñecemento da lingua galega, os Celga. Como indica a convocatoria, a realización das probas dos Celga 1, Celga 2, Celga 3 e Celga 4 está prevista, como é costume, para os meses de maio e xuño en Santiago de Compostela e Ponferrada.
18 de marzo de 2022
O xornal portugués Região Leiria creou unha sección en liña en lingua ucraína destinada ás persoas refuxiadas e á comunidade ucraína asentada en Portugal.
Fonte: TSF
17 de marzo de 2022
O Monbus Obradoiro e a Fundación Heracles asinaron un convenio de colaboración coa Secretaría Xeral de Política Lingüística polo que o club se comprometa a promover o uso do galego nas súas redes sociais e nos partidos.
17 de marzo de 2022
O vindeiro 6 de abril dará comezo unha nova edición do Carballo Interplay que continuará coa súa aposta polo talento feito en Galicia e en galego, xa sexa en redes sociais, no ámbito audiovisual ou en formato podcast.
Fonte: Código Cero
17 de marzo de 2022
O prazo para a presentación de textos ao certame de relatos científicos Inspiraciencia permanecerá aberto ata o 22 de maio de 2022. Deberán estar escritos en galego, castelán, catalán ou éuscaro e abordar temas científicos. Como novidade, nesta edición haberá un premio especial para os relatos que traten sobre intelixencia artificial.
17 de marzo de 2022
Plataforma per la Llengua e varios sindicatos poñen en marcha a segunda fase da campaña «Tots som referents lingüístics. No t'excusis!» que inclúe a publicación dunha guía con consellos para os docentes e a difusión nas redes sociais de vídeos humorísticos.
Fonte: Alerta
17 de marzo de 2022
O secretario xeral de Política Lingüística, Valentín García, participou na presentación das actividades do Día Mundial da Poesía, que se celebra na Insua dos Poetas o luns 21 de marzo, coincidindo coa efeméride establecida pola Unesco, co apoio da Xunta de Galicia, da Deputación de Ourense e do Concello do Carballiño.
Boletín
Subscríbase ao boletín
