Aquí medra a lingua é o título dun proxecto do Consello da Cultura Galega (CCG) no que fai un percorrido audiovisual por seis centros de diferentes contextos do territorio galego (IES Perdouro de Burela, CPI Virxe da Saleta de Cea, IES Félix Muriel de Rianxo, CEIP Barouta de Ames, CRA Nosa Señora de Ponteceso e CEIP Barouta de Moaña) para dar a coñecer actividade dos seus Equipos de Dinamización Lingüística.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de marzo de 2022
O secretario xeral de Cultura, Anxo M. Lorenzo, e o delegado territorial da Xunta en Lugo, Javier Arias, participaron na presentación da 7ª edición da Semana das Artes Plásticas da asociación Tá en Artes que conta co apoio da Xunta.
Fonte: O Portal da Lingua Galega
21 de marzo de 2022
A colección Esenciais é un recurso orientado a apoiar o traballo do profesorado e do alumnado nos seus diferentes roles. Trátase de resumir unha materia para elaborar unha guía de referencia que sirva para mellorar a comunicación lingüística en galego no eido científico.
21 de marzo de 2022
O colectivo Galeguizar Galicia desenvolverá ao longo dos meses de marzo e abril diferentes actos de promoción do galego nos ámbitos xurídico e económico no Porriño, Vigo e Ourense.
Fonte: Consello da Cultura Galega
21 de marzo de 2022
O Goberno de Navarra subscribiu un convenio de colaboración coa Universidade Vasca de Verán, por un importe de case 30 000 euros, para o financiamento de actividades formativas en éuscaro de temática variada e de alta calidade.
21 de marzo de 2022
O Goberno do Quebec aprobou un novo plan que garantirá a protección e promoción da lingua francesa no resto de provincias canadenses.
Fonte: CKPGToday
21 de marzo de 2022
O Camões - Instituto da Cooperación e da Lingua Portuguesa e a editora Lidel - Edições Técnic asinaron o seu protocolo de promoción da lingua portuguesa para o bienio 2022-2023.
Fonte: Notícias ao Minuto
18 de marzo de 2022
As rúas da cidade escocesa de Edimburgo poderán levar o nome de poetas e outros persoeiros que axudaron a protexer e revitalizar a lingua gaélica.
Fonte: Edinburgh Live
18 de marzo de 2022
Un estudo sobre racismo elaborado polo Centro de Estudo e Formación Intercultural e Social (Cefis) e o Instituto Luxemburgués de Investigación Socioeconómica (Liser) revelou que a principal causa de discriminación cara á poboación estranxeira no Gran Ducado é o descoñecemento da lingua luxemburguesa.
Fonte: Contacto
18 de marzo de 2022
Unha colaboración da Representación da Comisión Europea en Portugal e a Asociación Be Human permitiu crear a plataforma "SPEAK For Ukraine" que ten por meta axudar as persoas refuxiadas procedentes de Ucraína a que superen a barreira lingüística e creen unha rede informal de apoio.
Fonte: Comissão Europeia
Boletín
Subscríbase ao boletín
