O Concello de Vigo, en colaboración coa A.C.F. O Fiadeiro, organiza ao longo do mes de marzo un obradoiro de recollida de patrimonio oral, centrado na música popular galega.
Fonte: Consello da Cultura Galega
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
04 de marzo de 2022
Pensatermos é un xogo gratuíto en liña que ten como obxectivo fomentar o uso do galego nas redes sociais e que ten a súa base na versión catalá Pauralògic. Consiste en formar palabras dun máximo de sete letras e un mínimo tres, unha delas de uso obrigatorio.
Fonte: Consello da Cultura Galega
04 de marzo de 2022
O Centro Dramático Galego (CDG) estrea no Teatro Principal de Santiago de Compostela a coprodución Rastros, da compañía Condetrespés, no marco da programación da Rede Galega de Teatros e Auditorios impulsada pola Xunta en colaboración co Concello.
Fonte: O Portal da Lingua Galega
04 de marzo de 2022
A Academia da Lingua Asturiana (ALLA, polas súas siglas en asturiano) publicou o estudo El Mirandes: historia, contexto y procesos de formación de palabras de Alberto Gómez Bautista.
Fonte: La Voz de Asturias
04 de marzo de 2022
Un estudo elaborado na Universidade de Umeå, Suecia, revelou que o alumnado bilingüe sueco-persa é capaz de ler e escribir textos con maior precisión que as persoas non bilingües.
Fonte: Phys.org
03 de marzo de 2022
O Dicionario da ciencia, publicado por GCiencia e a Secretaría Xeral de Política Lingüística, é un recurso audiovisual cuxo obxectivo é achegar conceptos científicos ao público e promover o uso correcto do galego no ámbito científico.
Fonte: Consello da Cultura Galega
03 de marzo de 2022
Créase un “Tinder en éuscaro” co obxectivo de formar unha comunidade nesta lingua para coñecer xente
O espazo EginTril ten como obxectivo crear unha comunidade integramente en éuscaro, un 'Tinder vasco' pero que, a diferenza desta app de citas, non será unha a aplicación móbil, senón un Space de Twitter.
Fonte: El Diario
03 de marzo de 2022
A Axenda Estratéxica do Éuscaro 2021-2024 é o documento que define as liñas de traballo e os obxectivos estratéxicos da política lingüística do Goberno vasco para esta lexislatura. Con este proxecto preténdese seguir incrementando o coñecemento e o uso desta lingua, garantir os dereitos lingüísticos da cidadanía e reforzar a colaboración interinstitucional en todos os territorios onde se fala.
03 de marzo de 2022
A Xunta deu a coñecer o programa de Residencias Artísticas do Gaiás deste ano (REGA 22) que se desenvolverá na Cidade da Cultura co obxectivo de apoiar o talento e dar visibilidade á creación contemporánea, tanto galega como internacional.
Fonte: O Portal da Lingua Galega
02 de marzo de 2022
A ministra de Educación da República de Irlanda, Norma Foley, anunciou a aprobación dun proxecto de lingua de signos para dar apoio a alumnado xordo que estude en escolas recoñecidas de toda Irlanda e cuxa lingua materna sexa a lingua de signos irlandesa.
Fonte: Gov.ie
Boletín
Subscríbase ao boletín
