Dúas rapazas indíxenas peruanas, Soledad Secca Noa e Danna Gaviota Tello, empregan as redes sociais para difundir contidos en lingua quechua e promover os seus valores culturais.
Fonte: Ojo Público
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de febreiro de 2022
O Concello de Valls organizou unha iniciativa para animar os comerciantes do municipio a que utilicen sempre o catalán no momento de iniciar unha conversa coa clientela e que se manteñan falando esta lingua.
Fonte: Diari Més
28 de febreiro de 2022
O Premio Rosalía de Castro de Lingua ten como obxectivo recoñecer iniciativas de normalización lingüística, ou traxectorias de persoas, colectivos e entidades que destaquen polo seu compromiso coa promoción e dignificación do idioma galego.
Fonte: Consello da Cultura Galega
28 de febreiro de 2022
O Tribunal Superior de Xustiza da Comunidade Valenciana fixou en cinco sentenzas que o peso do valenciano e do castelán na educación plurilingüe manteña unha proporción razoable e garde un equilibrio nos horarios lectivos e na súa repartición entre as materias troncais.
28 de febreiro de 2022
O conselleiro de Cultura, Educación e Universidade, Román Rodríguez, presidiu a reunión de constitución do Consello Galego de Ensinanzas Artísticas Superiores, que celebra a súa primeira reunión de traballo tras a recente renovación dos seus membros.
Fonte: O Portal da Lingua Galega
26 de febreiro de 2022
A organización non gobernamental Tibet Watch denunciou a detención dunha estudante universitaria na Rexión Autónoma do Tíbet supostamente por ensinar a lingua tibetana.
Fonte: Free Tibet
25 de febreiro de 2022
A Academia Francesa, institución encargada en Francia de regular o idioma francés, alerta nun relatorio que nos últimos tempos se está a incrementar o uso de termos procedentes do inglés.
Fonte: France Bleu
25 de febreiro de 2022
A comisión organizadora do festival nacional Eisteddfod da música e da literatura en galés está xa a traballar para garantir que a celebración deste ano na vila de Tregaron sexa un grande éxito. Os dous anos anteriores o evento foi adiado por mor da pandemia da covid-19.
Fonte: Tivy Side Advertiser
25 de febreiro de 2022
Colectivos do ámbito da educación e o éuscaro, así como organizacións sindicais, animan as familias navarras a matricular os seus fillos e fillas no modelo D, que na súa opinión permite alcanzar unha competencia avanzada nesta lingua e en castelán e adecuada en inglés.
Fonte: Noticias de Navarra
25 de febreiro de 2022
O Parlamento balear aprobou unha iniciativa para reclamarlle ao Goberno español a inclusión do catalán no novo modelo de DNI electrónico europeo, un documento que non incorpora tampouco o galego nin o éuscaro, pero si o inglés, que non é oficial en España.
Fonte: Diario de Mallorca
Boletín
Subscríbase ao boletín
