No marco da campaña de sensibilización a prol do galego ‘A boa medicina’, organizada pola Facultade de Medicina e Odontoloxía da Universidade de Santiago, púxose en marcha un photocall no que o alumnado podía posar con diferentes lemas.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de febreiro de 2022
23 de febreiro de 2022
O secretario xeral de Política Lingüística, Valentín García, participou no instituto IES Lucus Augusti de Lugo na clausura oficial do programa de dinamización lingüística «21 días co galego e +», que nesta cuarta edición xuntou por primeira vez 12 centros participantes, así como 394 docentes, 52 membros do persoal da administración e servizos e 3399 alumnas e alumnos de entre 8 e 18 anos, que viviron xunto ás súas familias a experiencia de falar en galego durante 21 días.
22 de febreiro de 2022
Un grupo de profesorado e estudantado da poboación de Tal Tamr, no Kurdistán sirio ou Rajava, demandaron que a lingua kurda sexa declarada oficial.
Fonte: Hawar News
22 de febreiro de 2022
A lingua maia ou maayat’aan é agora Patrimonio Cultural Intanxible do estado mexicano do Iucatán tras unha declaración oficial realizada co gallo do Día Internacional da Lingua Materna.
Fonte: Swissinfo
22 de febreiro de 2022
O Executivo balear rectifica e retira o recoñecemento do castelán como lingua vehicular. Así, mantense todo practicamente como ata agora, con autonomía dos centros educativos para detallar o seu proxecto lingüístico.
Fonte: Cadena SER
22 de febreiro de 2022
O acordo de colaboración entre o Goberno vasco e PuntuEUS Fundazioa ten como obxectivos, por unha banda, promover o dominio .eus no ámbito socioeconómico e, por outra, fomentar entre a cidadanía o uso do éuscaro nos dispositivos electrónicos.
Fonte: Gobierno Vasco
21 de febreiro de 2022
Forti Barokas é unha muller de Istambul que loita por salvar da extinción o idioma ladino ou sefardí que falan arredor de 8000 persoas en Turquía. A lingua, unha mestura entre hebreo e español, é falada polas persoas descendentes de xudeus españois que fuxiron de España no século XV.
Fonte: Daily Sabah
21 de febreiro de 2022
Ata agora impartíase xa no campus de Huesca un posgrao e unha especialidade de Maxisterio dedicados ao aragonés, pero a partir de marzo ofertarase para o resto de graos unha proposta académica complementaria, que permitirá ao alumnado engadir a aprendizaxe desta lingua ao seu plan de estudos.
21 de febreiro de 2022
As asociacións Sortzen, Federación de Ikastolas de Navarra e NIZE organizan, baixo o lema «aUPa Euskara! Ahotik mundura», unha campaña a prol do modelo educativo en éuscaro, que consideran que conta cun amplo apoio social e favorece a cohesión e a igualdade de oportunidades.
21 de febreiro de 2022
A Deputación de Pontevedra aprobou a convocatoria de axudas, por un importe de 200 000 euros, para a creación, mantemento ou reforzo dos servizos de normalización lingüística dos concellos e outras entidades locais da provincia.
Fonte: Deputación de Pontevedra
Boletín
Subscríbase ao boletín
