O Premio A lingua galega en 2050 ten como obxectivo fomentar entre o alumnado a reflexión prospectiva sobre a situación social da lingua galega a mediados de século a partir de propostas ensaísticas, literarias ou de divulgación científica.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
21 de febreiro de 2022
21 de febreiro de 2022
A Xunta de Galicia conmemorou o Día Internacional da Lingua Materna -que este ano pon o foco no uso das tecnoloxías- nun acto lúdico e didáctico dirixido ás familias e ao público máis novo celebrado na Cidade da Cultura, que contou coa participación de Tanxugueiras.
21 de febreiro de 2022
O I Concurso de vídeos sobre enxeñería informática e química ten como obxectivo fomentar o uso do galego entre o alumnado da Escola Técnica Superior de Enxeñería, para o que deberán presentar un vídeo nesta lingua dunha duración máxima de 3 minutos.
Fonte: Consello da Cultura Galega
21 de febreiro de 2022
O Instituto Cultural de Macau publicou unha colección de relatos do século XVI escritos por portugueses durante as súas visitas na China e traducidos por primeira vez ao chinés.
Fonte: Porto Canal
19 de febreiro de 2022
A Xunta de Galicia convoca probas de avaliación en competencias clave para acceder ás accións formativas dos novos certificados de profesionalidade dos niveis 2 e 3, entre as que se require a comunicación en lingua galega.
Fonte: Consello da Cultura Galega
18 de febreiro de 2022
A oficina responsable de títulos e exames do País de Gales creará novas materias relacionadas co ensino e a aprendizaxe do galés como parte do novo Certificado Xeral de Educación Secundaria.
Fonte: Wales Online
18 de febreiro de 2022
Un Club UNESCO da freguesía portuguesa de Balugães, en Barcelos, empregará o teatro para promover e preservar as linguas minoritarias. A primeira iniciativa será a organización dun festival internacional de teatro.
Fonte: Notícias ao Minuto
18 de febreiro de 2022
A Casa da Escrita da Cámara Municipal de Coímbra, Portugal, organiza unha conferencia gratuíta sobre o portugués para conmemorar o Día Internacional da Lingua Materna.
Fonte: Centro TV
18 de febreiro de 2022
Cristina Calderón, a última falante do idioma yaghan ou yámana do territorio chileno da Terra do Fogo, morreu aos 93 anos de idade. A UNESCO considerábaa un Tesouro Vivo da Humanidade.
Fonte: El Comercio
18 de febreiro de 2022
Este manual de boas prácticas sobre as linguas propias de Aragón reflexiona sobre o desenvolvemento do aragonés e o catalán e proporciona suxestións para un mellor cumprimento da normativa existente a este respecto.
Fonte: Aragón Noticias
Boletín
Subscríbase ao boletín
