A Generalitat de Cataluña propón, no borrador do decreto de currículos, que sexan os centros educativos cataláns os que establezan os criterios para organizar a aprendizaxe de linguas tendo en conta a composición lingüística do alumnado e da contorna.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
02 de febreiro de 2022
02 de febreiro de 2022
Segundo un informe, a presenza do catalán en Netflix segue a ser escasa, apenas o 0,5 %, malia que nos dous últimos anos se duplicaron os contidos nesta lingua, ao pasar dos 3512 do 2020 aos 6034.
Fonte: La Vanguardia
01 de febreiro de 2022
O Instituto Camões e a Dirección Xeral do Libro, Arquivos e Bibliotecas e Asuntos Exteriores de Portugal crearon o catálogo de lingua portuguesa Gram Bem Querer que recompila fragmentos de obras de autores lusófonos traducidos cara ao inglés.
Fonte: República Portuguesa
01 de febreiro de 2022
A Xunta de Galicia e a Universidade de Santiago de Compostela (USC) colaborarán nun novo proxecto dixital que, a través das novas tecnoloxías, busca avanzar no estudo do neofalantismo. Un proxecto de tres anos de duración dividido en tres fases e co que o Goberno galego e a USC pretenden impulsar e poñer en valor o neofalantismo e as conexións do galego co mundo da empresa e da lusofonía.
01 de febreiro de 2022
A Generalitat e o sistema universitario de Cataluña elaboran un plan para potenciar o uso do catalán
Malia que o 70 % das materias de grao se imparte en catalán, a Generalitat e as universidades deseñarán un plan para impulsar o uso deste idioma na investigación e como lingua de convivencia.
Fonte: El Periódico
01 de febreiro de 2022
O convenio entre ambas as institucións permitirá transferirlle ao Goberno vasco o corpus lingüístico da Euskararen Erakunde Publikoa (EEP), co obxectivo de mellorar o tradutor automático neuronal Itzuli que precisa de grandes corpus bilingües de calidade.
01 de febreiro de 2022
Segundo unha enquisa do Instituto de Políticas Migratorias dos EUA, o portugués é a terceira lingua máis falada, despois do inglés e o español, de tres estados: Massachusetts, Connecticut e Rhode Island.
Fonte: Rally Mundial
31 de xaneiro de 2022
O Goberno de Navarra decidiu que o éuscaro non puntúe como mérito nas convocatorias de acceso e traslado na función pública da zona non vascófona. O éuscaro si se valorará na zona vascófona e, segundo o posto, na zona mixta.
Fonte: Noticias de Gipuzkoa
31 de xaneiro de 2022
‘Comerços aprenents’ é unha iniciativa da CPNL que ten como obxectivo facilitar que os establecementos comerciais poidan realizar unha atención básica en catalán á clientela. Ata o momento contaba coa participación de 40 comercios de toda Cataluña, aos que acaban de sumarse 51 máis da cadea de supermercados Condis.
31 de xaneiro de 2022
A Real Academia Galega e a Asociación PuntoGal convocan a quinta edición do seu certame de microrrelatos que ten como obxectivo reforzar a presenza do galego no mundo dixital.
Fonte: Real Academia Galega
Boletín
Subscríbase ao boletín
