O ministro de Educación da Illa de Jersey, no Canal da Mancha, aprobou unha norma que promoverá o ensino e a aprendizaxe de linguas comunitarias ou estranxeiras.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
06 de maio de 2022
Este foro está formado por unha rede de empresas que empregan o éuscaro como lingua de traballo e de comunicación coa clientela, e que destacan pola súa xestión lingüística. Nesta edición de 2022 búscase identificar accións e persoas para seguir avanzando nos obxectivos do proxecto.
Fonte: Gasteiz Hoy
06 de maio de 2022
A Deputación de Guipúscoa concederá axudas para fomentar a dixitalización do comercio, a hostalería e outras actividades do territorio. Este ano a convocatoria presenta unha novidade e é que estas axudas serán un 20 % superiores se se emiten os tíckets en éuscaro (1200 euros, fronte aos 1000 para os que os emitan en castelán).
Fonte: Diario Vasco
06 de maio de 2022
O Diario Oficial de Galicia (DOG) publicou as datas de realización das probas para a obtención dos certificados de lingua galega, Celga 1, 2, 3 e 4, en Santiago de Compostela e Ponferrada.
Fonte: O Portal da Lingua Galega
06 de maio de 2022
A Universidade de Bangor anunciou que, a partir do próximo mes de setembro, ofrecerá por primeira vez unha licenciatura de lingua galesa completemente en liña.
Fonte: Nation Cymru
06 de maio de 2022
Con motivo do Día Mundial da Lingua Portuguesa, o presidente da República de Portugal, Marcelo Rebelo de Sousa, defendeu a importancia de desenvolver políticas comprometidas coa lingua portuguesa no ensino, a cooperación e a cultura.
Fonte: Notícias ao Minuto
05 de maio de 2022
O novo dicionario aranés-catalán é obra de Jusèp Loís Sans Socasau e conta con máis de 30 000 entradas. Esta obra completa o proxecto lexicográfico bilingüe entre ambas as linguas que suma así preto de 70 000 entradas.
Fonte: Generalitat de Catalunya
05 de maio de 2022
Os presidentes do FC Barcelona e Òmnium Cultural asinaron un acordo de colaboración para os vindeiros catro anos polo que ambas as entidades se comprometen a traballar conxuntamente na promoción da lingua e a cultura catalás.
Fonte: El Periódico
05 de maio de 2022
«13 editora» é o nome da editorial que acaba de nacer en Vigo, un novo selo especializado en textos centrados no activismo e nos procesos de construción de contrapoder.
Fonte: Xornal de Vigo e Comarcas
05 de maio de 2022
O secretario xeral de Cultura, Anxo Lorenzo, e o secretario xeral de Política Lingüística, Valentín García, asistiron á inauguración da exposición «Florencio Delgado Gurriarán. Bebedeira de ensoños» no Teatro Lauro Olmo do Barco de Valdeorras.
Boletín
Subscríbase ao boletín
