Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O BNG reclamou no Congreso que se garanta o dereito do alumnado a poder empregar o galego nos exames da UNED, polo menos, nas probas que se leven a cabo en Galicia, así como que a web e o resto de materiais didácticos desta universidade estean dispoñibles nesta lingua.
Fonte: Nós Diario
O Concello de Valencia impulsou a campaña «Més que un like», unha nova iniciativa para a promoción do valenciano nas redes sociais, coa que pretende visibilizar os influencers que usan esta lingua nas súas publicacións, para demostrar así que non hai que renunciar a ela para triunfar.
O Clúster Audiovisual Galego confía en que a aposta polas linguas cooficiais da futura lei estatal para o sector se converta nun revulsivo para a produción galega.
Fonte: El Correo Gallego
Xa se abriu o prazo para solicitar a inclusión ou a renovación nos censos de entidades de fomento do catalán e do occitano, que permanecerá aberto ata o 31 de marzo.
Fonte: Generalitat de Catalunya
Un total de 50 centros educativos de toda Galicia desenvolverán programas de integración das familias na actividade da biblioteca escolar ao longo do curso 2021/2022. A Xunta vén de resolver a convocatoria desta nova iniciativa, Lectura e Familias, dotada con 125 000 €.
O portugués é unha das principais linguas de expresión do Campionato Africano das Nacións 2021 de fútbol que deu comezo no Camerún.
Fonte: VOA
Un estudo realizado na Universidade Eötvös Loránd de Hungría revelou que os cans conseguen percibir a diferenza entre distintos padróns de linguaxe e que mostran reaccións diferentes ao ouviren un idioma descoñecido.
Fonte: The Guardian
A Academia Francesa, institución que vela pola protección e promoción do francés, criticou duramente que o novo DNI da República Francesa inclúa agora unha versión bilingüe en francés e inglés.
Fonte: Euronews
Un estudo realizado pola Universidade Federal do Pará identificou un total de 34 linguas indíxenas neste territorio brasileiro da rexión amazónica.
Fonte: Agência Brasil
O alumnado que realizou a EvAU en éuscaro en Navarra aumentou un 47 % en dez anos, ao pasar de 663 a 978 inscritos. Así mesmo, o número de estudantes procedente do modelo D tamén se incrementou o pasado ano, cando supuxo o 26,1 % do total fronte ao 22,7 % de 2011.
Fonte: Noticias de Navarra
Subscríbase ao boletín
