O Departamento de Cultura outorgou en 2021 axudas para a dobraxe e os subtítulos en catalán de máis de 2000 contidos audiovisuais, dos cales 73 foron filmes para salas de cine.
Fonte: Generalitat de Catalunya
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de xaneiro de 2022
07 de xaneiro de 2022
O colectivo Fala Ceibe do Bierzo solicita que a plataforma Galicia Nomeada inclúa a toponimia galega presente nos territorios do Eo-Navia, O Bierzo e As Portelas sanabresas.
Fonte: Nós Diario
05 de xaneiro de 2022
Co 45 % dos votos, «vacina» foi escollida como palabra do ano, nunha votación na que en segunda posición quedou o termo «resiliência» (30 %). Nesta edición alcanzáronse arredor de 35 000 votos nesta iniciativa que reflicte os principais acontecementos e feitos que marcaron o ano en Portugal.
Fonte: Porto Editora
05 de xaneiro de 2022
O Goberno catalán comprométese a garantirlles protección xurídica aos docentes dos centros educativos de Cataluña que preserven o modelo de inmersión lingüística.
Fonte: El País
05 de xaneiro de 2022
A Deputación destinará 180 000 euros ás cuadrillas e aos concellos para que desenvolvan programas de socialización en éuscaro, que promovan o uso desta lingua como vehículo de comunicación.
Fonte: Radio Llodio
04 de xaneiro de 2022
Trinta alcaldes asinaron, no acto de homenaxe ao historiador Fermín Bouza-Brey, a Declaración de Cortegada, na que se comprometen a que os servizos xurídicos dos seus respectivos concellos empreguen o galego ante os tribunais de xustiza.
Fonte: Faro de Vigo
04 de xaneiro de 2022
A Deputación Foral de Biscaia destinará 3 270 000 euros a cinco liñas de subvencións co obxectivo de fomentar, difundir e normalizar o emprego do éuscaro en diferentes ámbitos.
Fonte: Bizkaiko Foru Aldundia
04 de xaneiro de 2022
A terceira edición do proxecto Hizkuntza-zuzenbidea. Testu-bilduma euskaraz (Dereito lingüístico. Compendio de textos en éuscaro), que arrincou en 2007 e que se dixitalizou en 2019, incorpora 692 novos documentos.
Fonte: Alerta
04 de xaneiro de 2022
Os supermercados Bonpreu i Esclat aplicarán durante o mes de xaneiro o arredondamento solidario, que se destinará á campaña para fomentar o catalán nas plataformas audiovisuais Netflix, Disney+, HBO, Amazon Prime Video ou Rakuten TV.
04 de xaneiro de 2022
A Xunta de Galicia publicou dúas convocatorias de axudas para a presentación de proxectos de fomento do galego no ámbito do ensino non universitario, unha dirixida a centros de titularidade pública e outra a centros de titularidade privada.
Fonte: Consello da Cultura Galega
Boletín
Subscríbase ao boletín
