O ciclo «A lingua galega no cinema», organizado pola Universidade de Vigo co apoio da Deputación de Pontevedra e do Parque Nacional das Illas Atlánticas, inaugurarase o 15 de outubro coa proxección do documental Filmei paxaros voando de Zeltia Outeiriño. O programa prolongarase ata o 5 de novembro no auditorio do edificio Cambón e incluirá longametraxes e un peche con cinco curtametraxes galegas recentes premiadas. O ciclo busca visibilizar a presenza e o valor do galego no cinema, combinando proxeccións con conversas coas e cos cineastas participantes.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
13 de outubro de 2025
13 de outubro de 2025
A Casa da Creación Dixital en Catalán é un espazo destinado a impulsar contidos dixitais nesta lingua e fomentar o seu uso entre a xuventude. O proxecto ofrecerá formación, mecenado e incubación de novos talentos e contará cun orzamento para 2026 e 2027 que ascende a 3 millóns de euros.
Fonte: Diari de la Llengua
13 de outubro de 2025
Por primeira vez, os partidos de clasificación de España para o Mundial 2026 poderán seguirse en galego en TVE, grazas á segunda pista de audio dispoñible nos televisores. As emisións destes encontros ofrecerán a opción de narración en galego, o que reforza o compromiso de RTVE co multilingüismo e as linguas cooficiais.
Fonte: RTVE
10 de outubro de 2025
O parlamento suízo aprobou unha normativa que obriga as escolas primarias de todos os cantóns a continuaren ensinando unha das linguas nacionais como lingua adicional, reforzando a diversidade lingüística do país. A medida busca garantir que todo o alumnado aprenda tanto unha lingua propia como outra nacional.
Fonte: Diari de la Llengua
10 de outubro de 2025
O Instituto de Investigacións Lingüísticas e Literarias (iLTIUS) concíbese como un espazo para estudar o vínculo entre lingua e literatura. O seu obxectivo é analizar o contexto histórico e socio-cultural das linguas e os textos e centrará a súa investigación nas interaccións do español, inglés e portugués coas linguas minorizadas, como o galego. A súa actividade organízase en cinco eixes: linguaxe e cognición, competencia lingüística e comunicativa, patrimonio literario, tecnoloxías e diversidade.
10 de outubro de 2025
A CTNL, en colaboración coa Deputación de Pontevedra, convoca a nova edición dos Premios Mil Primaveras, destinados a recoñecer proxectos, campañas e programas que fomenten o uso e prestixio do galego. Poden participar accións desenvolvidas total ou parcialmente entre 2021 e 2025, sempre que non fosen premiadas en edicións anteriores e non se trate de traxectorias institucionais.
Fonte: Mil Primaveras
10 de outubro de 2025
O Departamento de Política Lingüística convoca unha nova liña de subvencións para fomentar e difundir a lingua de signos catalá (LSC) cun orzamento ampliado de 75 000 € tras a primeira convocatoria de abril. Os apoios destínanse a actividades de uso, creación de contidos e divulgación da LSC, e están abertos a persoas, entidades sen ánimo de lucro e empresas.
Fonte: Generalitat de Catalunya
10 de outubro de 2025
Orai presentou Kimu, un chatbot en éuscaro deseñado para asistir empresas e institucións en diversas tarefas, como traducións, resumos, extracción de información ou corrección de textos, mantendo a privacidade ao poder instalarse localmente.
Fonte: Estrategia
10 de outubro de 2025
O escritor húngaro László Krasznahorkai foi galardoado co Nobel de Literatura pola súa obra singular, profunda e visionaria. A Academia Sueca destacou a súa vinculación coa tradición centroeuropea, comparándoo con Kafka e salientando o seu dominio do absurdo e do exceso grotesco.
Fonte: DW
09 de outubro de 2025
O secretario xeral da Lingua, Valentín García, acompañou ao serán ao artista carballiñés Xesús Carballido no acto de inauguración da exposición «Seica na Coruña». A mostra, apoiada pola Consellería de Cultura, Lingua e Xuventude, reúne un cento de obras, moitas delas inéditas e na súa meirande parte colaxes a partir de obxectos cotiáns, fragmentos e materiais reutilizados como pezas de imprenta, anacos de ferro, cunchas ou etiquetas comerciais, que reflicten unha perspectiva única.
Boletín
Subscríbase ao boletín
