Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Ministerio de Asuntos Exteriores de Portugal anunciou que o Estado portugués asinou a Carta Europea das Linguas Rexionais e Minoritarias do Consello de Europa que ten como fin a protección e promoción das linguas históricas de Europa.
Fonte: Público
O Concello de Bilbao puxo en marcha unha campaña que, baixo o lema 'Euskaraz Gehiago Gara', busca impulsar a matriculación nos euskaltegis da cidade durante o curso 2021-2022.
Fonte: El Diario
A Universidade de Vigo convoca as axudas para redactar e defender en galego teses de doutoramento, así como os premios á calidade lingüística nos TFG e TFM co obxectivo de aumentar o uso desta lingua nas tarefas investigadoras e premiar o esforzo e o rigor de lle dar un tratamento coidado ao idioma.
Fonte: Universidade de Vigo
A edición deste ano da Mostra de Venecia amosará a riqueza lingüística do cine español. Así, proxectarase unha longametraxe filmada en galego, Eles transportan a morte; o éuscaro estará presente por primeira vez grazas á curta Heltzear; e o catalán escoitarase no filme Tres.
Fonte: El País
O achado dun esqueleto en excelente estado de conservación e unha inscrición en grego en Pompeia confirma que a lingua grega era usada ao mesmo tempo co latín na cidade italiana.
Fonte: NBC2
As autoridades chinesas arrestaron dúas mulleres e oito monxes no Tíbet por ensinaren a lingua tibetana na aldea de Wonpo.
Fonte: The Tibet Post
O Estado portugués asumirá a xestión total da Escola Portuguesa de Luanda - Centro de Ensino e Lingua Portuguesa tras un litixio cun grupo de cooperantes.
Fonte: RTP Notícias
O corto En la punta de la llengua de Anna Bronchal, que gañou o concurso da Concellería de Plurilingüismo e Fomento do Valenciano do Concello de Castelló, trata a situación dun mozo que se reencontra coa lingua propia, que o acompañou ao longo da súa vida.
Fonte: El Periòdic
A lei prevé reforzar a inclusión educativa a través da incorporación das linguas de signos españolas á súa oferta e contribuír á eliminación das barreiras de comunicación para a integración social das persoas xordas, con discapacidade auditiva ou xordocegas.
Fonte: Diario Siglo XXI
A terceira edición das xornadas Videoxogos e Literatura, organizadas pola Fundación Carlos Casares, abordou a relación entre as novas tecnoloxías da creación, a comunicación e o entretemento, e os desafíos que supoñen para a lingua galega.
Fonte: Real Academia Galega
Subscríbase ao boletín
