O secretario xeral de Política Lingüística, Valentín García, mantivo unha reunión de coordinación co novo profesorado-lector que se incorpora aos centros universitarios dependentes da Rede de Lectorados da Xunta de Galicia neste curso académico 2021-2022.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
07 de setembro de 2021
06 de setembro de 2021
Unha persoa rexistra unha petición no Reino Unido para que as entidades bancarias de todo o país acepten cheques escritos en lingua córnica. Actualmente os bancos aceptan cheques escritos en inglés, galés e gaélico.
Fonte: Nation Cymru
06 de setembro de 2021
A norma recolle a terminoloxía principal da xestión da continuidade do negocio, xa que é unha referencia para que as organizacións poidan actuar con eficacia ante imprevistos que interrompen o seu funcionamento normal.
Fonte: Generalitat de Catalunya
06 de setembro de 2021
As dúas entidades renovan o seu convenio de colaboración para levar a cabo diferentes iniciativas ao longo dun ano que teñen o obxectivo de normalizar o uso do éuscaro.
Fonte: Tolosako Udala
06 de setembro de 2021
O secretario xeral de Política Lingüística, Valentín García, participou na presentación do proxecto O Argueiro dos Ancares, un portal creado nas redes sociais de Facebook e Instagram por unha veciña de Navia de Suarna e que conta co apoio da Xunta de Galicia para visibilizar a xente que mantén vivo o territorio dos Ancares e a parte máis descoñecida da comarca.
06 de setembro de 2021
O secretario xeral de Política Lingüística, Valentín García, presentou a Colección Textos e Estudos que o Centro de Estudos Galegos (CEG) do Algarve inaugurou no 2017 co primeiro dos catro tomos que forman a serie.
Fonte: O Portal da Lingua Galega
04 de setembro de 2021
A organización benéfica Community Land Scotland está a desenvolver un proxecto piloto para destinar incentivos económicos ás comunidades locais de certas zonas de Escocia para promover o uso do gaélico e salvar a lingua da extinción.
Fonte: The Press and Journal
04 de setembro de 2021
O Ministerio de Asuntos Exteriores de Ucraína anunciou que a páxina oficial do país estrea a súa versión en lingua chinesa.
Fonte: Ukrinform
03 de setembro de 2021
O Ministerio de Asuntos Exteriores de Rusia está a elaborar un exhaustivo programa de promoción da lingua rusa en todo o mundo. O obxectivo é fortalecer a posición do ruso na esfera internacional.
Fonte: TASS
03 de setembro de 2021
O senador brasileiro Flávio Arns presentou un proxecto de lei que pretende introducir o ensino obrigatorio da lingua española nas escolas de educación básica.
Fonte: Jornal do Oeste
Boletín
Subscríbase ao boletín
