Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Esta iniciativa da Dirección Xeral de Política Lingüística do Goberno de Aragón e da Associació Amics de Nonasp, en colaboración co Concello de Nonaspe, ten o obxectivo de protexer e transmitir o patrimonio lingüístico e cultural da zona e difundir os nomes cos que se coñecían os diferentes lugares tradicionalmente.
Fonte: Heraldo
A pandemia da covid-19 está impedindo a continuación do programa do British Council que leva profesorado do País de Gales a Arxentina para ensinar a lingua galesa. Desde o mes de marzo do ano pasado, non chegou ningún profesorado novo que permitise a reactivación das clases presenciais de galés.
Fonte: Nation Cymru
O Concello de Sant Josep de sa Talaia presenta a terceira semana ludolingüística “Units pel nostres parlar” con actividades para fomentar o uso da lingua catalá e dar a coñecer a súa cultura e tradicións, como un recital de poesía ou obradoiros para persoas chegadas recentemente.
Fonte: Noudiari
A Agrupación Independente de Esquerdas critica que o Concello de Vilafranca non inclúa o éuscaro no seu novo sistema de código QR para dar a coñecer o rico patrimonio barroco da localidade, xa que se trata dunha lingua cooficial e gran parte dos turistas que a visitan proceden de Navarra.
Fonte: Noticias de Navarra
O secretario xeral de Política Lingüística, Valentín García, participa no mercado de Moaña no acto inaugural da exposición documental Bernardino Graña, o home que quixo vivir. A mostra, que toma como protagonista ao escritor cangués, está organizada polo cineasta Xan Leira e conta coa colaboración da Xunta de Galicia e dos concellos de Cangas, Moaña e Nigrán.
O titular de Cultura, Ciro Gálvez, sinala que están a traballar nun proxecto de lei que permita que a comunicación do Estado cos pobos orixinarios se faga na súa propia lingua materna.
Fonte: El Comercio
O secretario xeral de Política Lingüística, Valentín García, presentou xunto ao xornalista musical e DJ Carlos Crespo o I Foro sobre o papel dos disc-jóckeys na difusión da música galega, unha iniciativa que xurde ao amparo do Fondo de Proxectos Culturais Xacobeo da Xunta.
A Fundación Vital colabora con IKA Gasteiz no financiamento de bolsas para a aprendizaxe do éuscaro á xuventude arabesa de entre 18 e 25 anos e a persoas en situación de vulnerabilidade económica, co obxectivo de fomentar unha formación superior e a inclusión social.
Fonte: 20 minutos
A tradución de Xosé Lluis García Arias do libro de Antoine de Saint-Exupéry, editada por primeira vez en 1983, é a obra máis editada en asturiano.
Fonte: El Comercio
A Deputación de Pontevedra resolveu as axudas aos concellos da provincia para a creación e mantemento de servizos de normalización lingüística, así como para o desenvolvemento de actividades de dinamización e promoción do galego.
Fonte: Consello da Cultura Galega
Subscríbase ao boletín
