Katie Rowley, unha muller xorda de 36 anos, gañou o proceso xudicial que iniciara tras demandar o Goberno británico pola falta de interpretación en lingua de signos nas sesións informativas sobre a covid-19.
Fonte: BBC
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
28 de xullo de 2021
28 de xullo de 2021
A Dirección Xeral de Política Lingüística inicia de novo a campaña “Benvinguts!” para transmitir a realidade lingüística de Baleares e acercar o catalán ás persoas que visitan o arquipélago.
Fonte: 20 minutos
28 de xullo de 2021
O Departamento de Cultura reforza o seu apoio á tradución de obras literarias ao catalán ou ao occitano e á tradución de obras non literarias ao catalán. As subvencións van dirixidas ás empresas editoriais e ás entidades editoriais sen ánimo de lucro privadas.
Fonte: Generalitat de Catalunya
28 de xullo de 2021
O secretario xeral de Política Lingüística, Valentín García, participou na presentación da obra Un Camiño de cine Xacobeo, na que a xornalista galega Pilar Falcón recompila máis de medio cento de pezas audiovisuais que xiran arredor do Camiño de Santiago e do Ano Santo compostelán, desde 1950 ata a actualidade.
27 de xullo de 2021
A Academia Brasileira de Letras actualizou o Vocabulario Ortográfico da Lingua Portuguesa con mil novos termos.
Fonte: Estado de Minas
27 de xullo de 2021
Os Premios Rosalía de Castro, que convoca a Deputación da Coruña, foron na edición deste ano para Xaquín Marín, Agrupación Astronómica Ío e Twitter en Galego, dos que se destacou o seu compromiso coa lingua galega.
Fonte: Deputación da Coruña
27 de xullo de 2021
O curso Ferramentas da educación social ao servizo da normalización lingüística, organizado pola Coordinadora de Traballadores/as de Normalización da Lingua, desenvolverase en Santiago de Compostela os días 27 de setembro e 4 de outubro e será impartido por Ana González Quinteiro.
Fonte: CTNL
27 de xullo de 2021
O Consorcio para a Normalización Lingüística está colaborando coa cadea de supermercados Bonpreu nesta campaña que busca a participación da súa clientela nas redes sociais para compartir as variedades dialectais de determinados produtos da súa zona xeográfica a través dun sorteo. A campaña tamén se aplicará nos seus establecementos, nas etiquetas dos produtos e no tícket da compra.
Fonte: Generalitat de Catalunya
27 de xullo de 2021
O Concello de Pamplona convoca o Concurso literario en éuscaro para autoría novel nas modalidades de poesía e narración, co obxectivo de fomentar a creación literaria nesta lingua e animar a persoas que nunca escribiron a que o fagan por primeira vez.
Fonte: Diario de Navarra
27 de xullo de 2021
O Goberno do País de Gales sufragará con 250 000 libras a adquisición e desenvolvemento lingüístico na infancia.
Fonte: North Wales Chronicle
Boletín
Subscríbase ao boletín
