A Xunta convocou bolsas de formación, cun investimento de 300 000 euros, nos lectorados de lingua, literatura e cultura galegas en distintas universidades españolas, así como de países como Italia, Francia, Brasil ou Croacia.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
03 de maio de 2021
03 de maio de 2021
A nova administración de Joe Biden habilitou un sitio web con información sobre a vacina da covid-19 en versión bilingüe inglés-español.
Fonte: The Verge
03 de maio de 2021
O día 5 de maio todos os países lusófonos do mundo conmemoran o Día Mundial da Lingua Portuguesa, efeméride proclamada pola Unesco en 2019.
Fonte: Jornal Económico
30 de abril de 2021
A rexión de Sardeña promociona por medio do municipio de Sassari dous obradoiros culturais en sardo e sassarés, dúas das linguas que se falan na illa italiana. Os cursos son gratuítos e abertos a toda a cidadanía.
Fonte: La Milano
30 de abril de 2021
A campaña arrancou en Bergara coa repartición gratuíta da guía ás familias de fillos e fillas de catro e cinco anos. O obxectivo dos servizos municipais é que a transmisión familiar do éuscaro marque o futuro uso lingüístico destes nenos e nenas.
Fonte: El Diario Vasco
30 de abril de 2021
Esta campaña da Dirección Insular de Política Lingüística consiste en usar gifs en catalán nas historias de 24 horas ou nas mensaxes de Instagram.
Fonte: Diario de Mallorca
30 de abril de 2021
Un concelleiro do goberno municipal de Gwynedd, no norte do País de Gales, presentou unha moción para que os nomes galeses de Eryri e Yr Wyddfa, Snowdonia e Snowdon en inglés, respectivamente, sexan recoñecidos como únicos oficiais.
Fonte: The Guardian
30 de abril de 2021
O Informe Xabarín constata a escaseza de contidos televisivos en galego, xa que só 25 dos máis de 25 000 títulos no catálogo global que ofrecen as operadoras inclúe a opción do galego.
Fonte: Galicia Confidencial
30 de abril de 2021
O secretario xeral de Política Lingüística, Valentín García, e os actores Isabel Risco e Fran Rei presentaron na Biblioteca Pública de Santiago Ánxel Casal o proxecto audiovisual Dúo Vaguedades, pertencente á primeira convocatoria do Fondo de Proxectos Culturais Xacobeo 21-22 da Xunta de Galicia.
30 de abril de 2021
A Xunta de Galicia marca entre as súas prioridades seguir traballando na transmisión e emprego da lingua galega en contornos familiares e entre a mocidade. Así o explicou o secretario xeral de Política Lingüística, Valentín García, que presentou no Parlamento as liñas de traballo do seu departamento, que aumenta este ano o seu orzamento nun 53 %.
Boletín
Subscríbase ao boletín
