O estudo conclúe que só algo máis dunha cuarta parte das materias da UIB se imparten integramente en catalán, malia que a planificación inicial prevía unha presenza maior. O informe advirte, ademais, de que a situación resulta especialmente grave en Ciencias da Saúde, onde a oferta nesta lingua nin sequera chega ao 10 %. As entidades promotoras do informe denuncian unha marxinación estrutural da lingua propia no ámbito universitario e reclaman actuacións urxentes que garantan o dereito do alumnado a recibir formación completa en catalán.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
23 de marzo de 2026
23 de marzo de 2026
Os ciclos temáticos de literatura en lingua galega teñen como obxectivo difundir a literatura galega e internacional editada en galego. Esta campaña de promoción da lectura comeza cun ciclo dedicado aos Estados Unidos, en Redondela, e outro dedicado aos dereitos da muller, en Chapela, pero irá mudando as súas temáticas trimestralmente.
20 de marzo de 2026
O número de persoas que aprenden galés superou por primeira vez as 20 000, tras medrar un 12 % nun ano segundo o Centro Nacional para a Aprendizaxe do Galés. Case o 40 % do alumnado estuda a lingua nos seus postos de traballo, mentres tamén aumenta entre a mocidade e entre persoas de contextos moi diversos. Este crecemento reflicte un maior interese pola lingua e un cambio positivo nas actitudes cara á súa aprendizaxe.
Fonte: BBC
20 de marzo de 2026
O Concello de Sagunto abriu a convocatoria anual de axudas para impulsar a normalización do valenciano, destinada a empresas e asociacións que promovan esta lingua. As entidades poderán presentar ata dous proxectos antes do 6 de maio, cun orzamento mínimo de 300 euros. As propostas deberán desenvolverse integramente en valenciano e poderán abranguer desde rotulación, publicidade e materiais impresos ata accións formativas, informativas ou de sensibilización.
20 de marzo de 2026
O Goberno balear promove, a través do IEB e en colaboración co Casal de Asociacións de Inmigrantes e ONGD, novos cursos iniciais de catalán para persoas acabadas de chegar, cunha elevada demanda que xa deixa medio cento de solicitudes en espera. A iniciativa, que dá continuidade á formación posta en marcha para familias, consolídase como unha vía de acceso á lingua e como ferramenta de integración social e laboral. O programa complétase cun material didáctico propio, pensado para facilitar unha aprendizaxe gradual e adaptada ás necesidades deste colectivo.
20 de marzo de 2026
A Universidade de Vigo impulsa, co apoio da Deputación de Pontevedra, a terceira edición de «A lingua galega no cinema», un ciclo gratuíto que, entre o 23 de marzo e o 29 de abril, reunirá en Vigo unha decena de obras audiovisuais en galego. Ademais de pór en valor o idioma propio no ámbito cultural e cinematográfico, a programación combinará documentais, longametraxes, animación e curtas, sempre con coloquios posteriores coas persoas creadoras.
20 de marzo de 2026
Nove autores de lingua portuguesa foron distinguidos co Premio Literario Guerra Junqueiro de Lusofonía 2025, un recoñecemento que destaca a calidade e diversidade da produción literaria no espazo lusófono. O galardón pon en valor a creación en portugués e reforza os lazos culturais entre países que comparten esta lingua.
Fonte: Sapo
20 de marzo de 2026
A Xunta de Galicia percorrerá 18 concellos galegos cun programa específico para escolares enfocado na celebración das Letras Galegas. Así o deu a coñecer o secretario xeral da Lingua, Valentín García, quen precisou que esta proposta, impulsada ao abeiro do programa FalaRedes, centrarase na figura da autora homenaxeada na edición de este ano.
19 de marzo de 2026
O director da Axencia Galega de Industrias Culturais, Jacobo Sutil, presentou hoxe a nova produción do Centro Dramático Galego, Hamlet, dirixida por Tito Asorey e con dramaturxia de Vanesa Sotelo e do propio Asorey a partir da obra mestra de William Shakespeare. A través dun espectáculo de gran formato con 16 intérpretes en escena, a compañía teatral da Xunta de Galicia trae ao presente e ao galego este clásico universal. A estrea será mañá no Salón Teatro de Santiago de Compostela, onde permanecerá en cartel ata o 3 de maio con funcións de mércores a domingo ás 18,00 h.
18 de marzo de 2026
A Generalitat Valenciana licitou un contrato de 245.000 euros para realizar unha enquisa sobre o coñecemento e uso do valenciano e doutras linguas, con máis de 8000 entrevistas en toda a comunidade. O estudo, incluído no Plan Valenciano de Estatística, permitirá obter datos actualizados sobre a situación sociolingüística e elaborar informes específicos para o conxunto do territorio e para a cidade de Valencia.
Boletín
Subscríbase ao boletín
