Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Grazas á campaña e á exposición “Quan parles fas màgia” incorporouse ao Voluntariado pola Lingua un número importantes de mozas e mozos participantes, de maneira que se incrementaron nun 67 % os voluntarios, con máis de 2800 novos inscritos.
Fonte: Generalitat de Catalunya
Os Premios de Ensaio e Banda Deseñada teñen como obxectivo promover a creatividade literaria e artística da comunidade universitaria. Os traballos, que deberán estar en galego e ser inéditos, poden presentarse ata o 23 de xullo.
Fonte: Universidade de Vigo
Varias entidades sociais de defensa das linguas cooficiais, como A Mesa pola Normalización Lingüística, Kontseilua, Ciemen, Plataforma per la Llengua, Escola Valenciana, Acción Cultural del País Valenciá e Iniciativa pel Asturianu realizaron unha valoración conxunta da aprobación parcial no Congreso da proposición non de lei sobre a realidade plurilingüe e igualdade lingüística.
Os Premios á calidade lingüística en galego teñen como finalidade fomentar o uso da lingua galega ligada á calidade formal na elaboración e defensa dos traballos académicos do alumnado da Universidade de Santiago.
Conradh na Gaeilge (CnaG, polas súas siglas en gaélico) demandará nos tribunais o Goberno de Irlanda do Norte pola súa inacción á hora de aprobar unha lei que garanta a promoción do gaélico irlandés.
Fonte: BBC
O Ministerio de Cultura vai incluír a literatura en asturiano e en galego-asturiano nos programas de fomento da lectura. Así mesmo, esta literatura será a protagonista dunha das actividades programadas para a Feira do Libro de Frankfurt 2022.
O Goberno de Ucraína redactou un documento introdutorio que senta as bases para o futuro plan de desenvolvemento e promoción do idioma tártaro de Crimea, falado por un dos pobos orixinarios do país eslavo.
Fonte: Ukrinform
O Goberno balear, a través da Oficina de Defensa de Dereitos Lingüísticos, está a investigar varios casos de discriminación lingüística denunciados nas redes sociais.
Fonte: Última Hora
A Mesa pola Normalización Lingüística conseguiu 33 008 sinaturas de apoio, que xa entregou no Parlamento, a unha proposición non se lei para instar o Goberno a aumentar a oferta televisiva en galego destinada á infancia e á mocidade a través dunha canle dedicada ao Xabarín.
Fonte: Galicia Confidencial
O presidente da Xunta, Alberto Núñez Feijóo, reivindicou, no acto de entrega dos Premios da Cultura Galega 2020, o papel esencial desta na recuperación, reflectido nos proxectos presentados aos fondos europeos Next Generation, que aspiran a captar 180 millóns de euros para impulsar as industrias creativas, novos talentos, a dixitalización e a conservación do patrimonio.
Subscríbase ao boletín
