Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
éDeporte, un novo medio de comunicación dixital, en galego e sobre o deporte galego, inaugura a súa andaina cun documental sobre o Deportivo feminino. As pezas audiovisuais poderán verse na páxina web do medio e nas súas redes sociais.
Fonte: Praza Pública
A Xunta de Galicia publica no Diario Oficial de Galicia (DOG) a convocatoria das axudas para o libro, dirixidas á tradución a outras linguas de obras publicadas orixinariamente en galego e á tradución á lingua propia de Galicia de obras publicadas orixinariamente noutros idiomas.
Fonte: Xunta de Galicia
O Servizo de Normalización Lingüística municipal presenta, no marco do proxecto "Vigo arrólate", novos recursos en liña en galego que teñen como obxectivo fomentar a transmisión desta lingua no ámbito familiar.
Fonte: Consello do Cultura Galega
O Goberno de Navarra vai concederlles axudas por un valor total de 80 000 euros a Eusko Ikaskuntza e á Asociación Soziolinguistica Klusterra. A primeira recibirá 55 000 euros mentres que no caso da segunda serán 25 000, unhas subvencións que axudarán á realización de actividades de recuperación e normalización do éuscaro.
Trátase da segunda edición desta liña de axudas coas que se pretende impulsar o uso do valenciano nos establecementos comerciais de Valencia. A dotación orzamentaria ascende a 47 500 euros e cada empresa poderá recibir ata 2000.
Fonte: La Vanguardia
Celia Fernández Vasco propón un novo modelo dixital de dicionario moi visual, de fácil acceso e interactivo, e que ofreza unha información máis extensa que os dicionarios impresos para o alumnado de primaria, secundaria e bacharelato.
Fonte: Faro de Vigo
Esta nova web, impulsada polo Departamento de Cultura da Generalitat, ofrece os principais indicadores demográficos, sociolingüísticos e de política lingüística de cada un dos nove municipios de Arán.
Fonte: Generalitat de Catalunya
Un informe sobre a Carta Europea das Linguas Rexionais e Minoritarias do Consello de Europa insta a Xunta a eliminar os obstáculos actuais para o ensino da lingua galega no ensino e alerta sobre a diminución dos índices de coñecemento do galego especialmente entre as persoas máis novas.
Fonte: Praza
O Departamento de Educación de Australia Occidental permitirá que a lingua aborixe noongar (ou nyungar) poida impartirse no currículo formal das escolas do estado, tal como xa acontece coas linguas europeas ou asiáticas.
Fonte: ABC
A Secretaría de Estado de Educación, Deporte e Cultura do Brasil e o Departamento de Estado dos Estados Unidos de América ofrecen bolsas de formación a profesorado de ensino medio brasileiro. As bolsas consistirán nun intercambio de cinco meses en Washington (EUA).
Fonte: Infonet
Subscríbase ao boletín
