Esta nova web, impulsada polo Departamento de Cultura da Generalitat, ofrece os principais indicadores demográficos, sociolingüísticos e de política lingüística de cada un dos nove municipios de Arán.
Fonte: Generalitat de Catalunya
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de abril de 2021
05 de abril de 2021
Un informe sobre a Carta Europea das Linguas Rexionais e Minoritarias do Consello de Europa insta a Xunta a eliminar os obstáculos actuais para o ensino da lingua galega no ensino e alerta sobre a diminución dos índices de coñecemento do galego especialmente entre as persoas máis novas.
Fonte: Praza
05 de abril de 2021
O Departamento de Educación de Australia Occidental permitirá que a lingua aborixe noongar (ou nyungar) poida impartirse no currículo formal das escolas do estado, tal como xa acontece coas linguas europeas ou asiáticas.
Fonte: ABC
05 de abril de 2021
A Secretaría de Estado de Educación, Deporte e Cultura do Brasil e o Departamento de Estado dos Estados Unidos de América ofrecen bolsas de formación a profesorado de ensino medio brasileiro. As bolsas consistirán nun intercambio de cinco meses en Washington (EUA).
Fonte: Infonet
02 de abril de 2021
A propósito das próximas eleccións lexislativas do 18 de abril en Cabo Verde, os candidatos dos dous principais partidos políticos avogan pola oficialización do crioulo como lingua nacional mais non asumen o compromiso de atinxir este propósito na próxima lexislatura.
Fonte: Observador
02 de abril de 2021
As asociacións que traballan pola promoción das linguas bretoas (o bretón e o galó) demandan a aprobación definitiva do proxecto de lei que garanta a protección das linguas rexionais de Francia.
Fonte: Ouest France
31 de marzo de 2021
A Xunta de Galicia mantén aberto ata o 12 de abril o prazo de inscrición nas probas oficiais do certificado de coñecemento da lingua galega (Celga), cuxo procedemento e requisitos poden consultarse na convocatoria publicada no Diario Oficial de Galicia.
31 de marzo de 2021
Segundo os datos do Observatorio de Dereitos Lingüísticos Behatokia, dende que se declarou a pandemia o número de incidencias respecto ao emprego do éuscaro incrementouse un 66,7 %.
Fonte: Noticias de Navarra
31 de marzo de 2021
Co obxectivo de achegarse ao público máis novo, a Corporación Radio Televisión de Galicia (CRTVG) desenvolverá a partir do mes de maio accións na plataforma de streaming Twitch. O seu primeiro paso será solicitarlle que inclúa o galego entre as linguas que forman parte da súa estrutura.
Fonte: CRTVG
31 de marzo de 2021
Esta nova liña de axudas, dotada cun orzamento de 120 000 euros, está destinada a apoiar a creación ou a continuidade de proxectos de podcasts en catalán ou occitano que traten temas relacionados coa cultura.
Fonte: Generalitat de Catalunya
Boletín
Subscríbase ao boletín
