A organización a prol da lingua galesa Cymdeithas yr Iaith Gymraeg solicitou ás persoas que falen galés que respondan ás preguntas do censo que se refiran á competencia en lingua galesa.
Fonte: Nation Cymru
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
24 de marzo de 2021
24 de marzo de 2021
O Ministerio de Educación da China distinguiu tres universidades onde se imparten programas en lingua portuguesa como de 'primeira clase'. Serían a Universidade de Linguas Estranxeiras de Dalian, a Universidade de Estudos Estranxeiros de Guangdong e a Universidade de Estudos Internacionais de Xangai.
Fonte: Notícias ao Minuto
24 de marzo de 2021
O Goberno vasco aprobou a renovación do convenio marco con Euskararen Erakunde Publikoa de Iparralde que establece a colaboración transfronteiriza en materia de política lingüística sobre o éuscaro. Así mesmo, aprobou tamén o convenio coas deputacións forais e Euskaltzaindia para a investigación e a difusión da lingua vasca.
24 de marzo de 2021
Fitur Lingua busca converterse nun punto de encontro entre os profesionais da industria turística e os principais actores do turismo idiomático. Está organizado en colaboración con Fedele, Federación Española de Asociacións de Escolas de Español para Estranxeiros.
Fonte: Nexotur
24 de marzo de 2021
O secretario xeral de Política Lingüística, Valentín García, participou no acto de entrega do I Premio de Ensaio Camiño de Santiago, que convoca a Academia Xacobea coa colaboración da Xunta de Galicia.
Fonte: O Portal da Lingua Galega
24 de marzo de 2021
O conselleiro de Cultura, Educación e Universidade, Román Rodríguez, participou no Parlamento de Galicia na entrega dos premios Publicidade en Galego 2021, uns galardóns que recoñecen traballos feitos no último ano.
Fonte: Xunta de Galicia
24 de marzo de 2021
Con motivo do Día das Letras Galegas, que este ano está dedicado á creadora, editora, tradutora e mestra Xela Arias, a Xunta de Galicia, a Real Academia Galega (RAG), o Consello da Cultura Galega (CDG), en colaboración coa CRTVG, así como empresas, administracións locais e varias editoriais celebrarán un amplo programa con ata medio cento de iniciativas presenciais e en liña.
23 de marzo de 2021
O municipio portugués de Barrancos comezou os trámites necesarios para crear un centro de interpretación que valorice e promova o idioma barranqueño, falado nesta comarca fronteiriza con España.
Fonte: SulInformação
23 de marzo de 2021
Unha emenda a unha lei obrigará o colectivo de taxistas de Dinamarca a demostrar coñecementos de dinamarqués para poder traballar no país.
Fonte: CGTN
23 de marzo de 2021
A Deputación de Pontevedra organiza cursos para o seu persoal e mais para o dos concellos da provincia adheridos ao seu plan formativo, o cal inclúe dous cursos de contidos lingüísticos: “Linguaxe administrativa galega. Nivel medio” e “Linguaxe administrativa non sexista e imaxe igualitaria na práctica da xestión pública”.
Fonte: Consello da Cultura Galega
Boletín
Subscríbase ao boletín
