Un grupo de 140 parlamentarios e parlamentarias da Asemblea Nacional de Francia envioulle unha carta ao presidente da República para solicitar un cambio da Constitución que permita protexer as linguas rexionais francesas.
Fonte: Jornalet
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
22 de xuño de 2021
22 de xuño de 2021
A Generalitat aproba o decreto de reestruturación do Departamento de Cultura, mediante o cal a Dirección Xeral de Política Lingüística eleva o seu rango e convértese en Secretaría de Política Lingüística, e destaca a lingua como unha prioridade gobernamental para garantir o futuro do catalán, do occitano e da lingua de signos catalá dentro da sociedade.
Fonte: Generalitat de Catalunya
22 de xuño de 2021
A plataforma a favor do éuscaro de Tudela organizou unha marcha popular en bicicleta e varias actividades baixo o lema “Quero vivir en éuscaro” para reivindicar a oficialidade desta lingua.
Fonte: Noticias de Navarra
22 de xuño de 2021
O secretario xeral de Política Lingüística, Valentín García, participou en Marín na presentación do traballo O reto da recuperación e xeolocalización toponómica de Marín que fixeron desde o colexio San Narciso en homenaxe ao relixioso, lingüista, etnógrafo e profesor Elixio Rivas Quintas.
22 de xuño de 2021
O secretario xeral de Política Lingüística, Valentín García, participou en Madrid na presentación de Un camiño de cine Xacobeo, a nova obra de Pilar Falcón na que se recompilan os documentais e longametraxes feitos ao longo dos anos e que teñen como protagonista o fenómeno do Camiño de Santiago.
21 de xuño de 2021
O ministro principal do País de Gales, Mark Drakeford, informou de que a aplicación sobre vacinación do Servizo Nacional de Saúde británico non estará en principio dispoñible en lingua galesa.
Fonte: Nation Cymru
21 de xuño de 2021
A vila portuguesa de Miranda do Douro acolleu as III Xornadas da Lingua Mirandesa Amadeu Ferreira onde se debateu o futuro da segunda lingua oficial de Portugal. Segundo o investigador da Universidade de Vigo, Xosé Henrique Costas, a preservación do mirandés está nun momento crucial e lembra que cómpre actuar para garantir a súa supervivencia.
Fonte: Jornal Nordeste
21 de xuño de 2021
A Escola Galega de Administración Pública convoca actividades formativas para o persoal da Administración xeral da Comunidade Autónoma de Galicia, das entidades públicas instrumentais do sector público autonómico e da Administración institucional, entre elas un curso de "Actualización gramatical e ortográfica da lingua galega".
Fonte: Consello da Cultura Galega
21 de xuño de 2021
O novo dicionario, publicado polo Instituto de Estudos Araneses, inclúe máis de 30 000 entradas en catalán coas súas equivalencias en aranés. Trátase da primeira parte dun proxecto que se completará co dicionario aranés-catalán o vindeiro ano.
Fonte: Generalitat de Catalunya
21 de xuño de 2021
Esta convocatoria de axudas, denominada Euskalgintza, ten como obxectivo o desenvolvemento ao longo do ano 2021 de proxectos de promoción e normalización do éuscaro na vida social.
Fonte: Gobierno Vasco
Boletín
Subscríbase ao boletín
