Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
Grazas ao acordo asinado entre o Instituto Camões, a Dirección Xeral de Política e Defensa Nacional de Portugal e as Forzas Armadas de Guinea-Bissau, Portugal dará formación en lingua portuguesa a máis de 120 militares de Guinea-Bissau, tal como anunciou a embaixada portuguesa no país africano.
Fonte: SAPO
O I Concurso de vídeos divulgativos en galego de química sostible está destinado a todos os membros da comunidade educativa da Universidade de Santiago e ten como obxectivo divulgar en galego as achegas da química sostible na resolución de problemas nos ámbitos da saúde, o ambiente e a industria.
Fonte: Consello da Cultura Galega
O Departamento de Cultura destinará 640 000 euros a axudas para a promoción da edición literaria, dos cales 515 000 serán para publicacións en éuscaro e 125 000, en castelán.
Fonte: El Diario Vasco
A Xunta de Galicia ven de poñer en marcha unha versión actualizada do Celga 1 en liña, que permite por primeira vez a autoformación en lingua galega a través dunha ferramenta vencellada a el.
Fonte: O Portal da Lingua Galega
O proxecto de lei de estímulo económico pola covid-19 que quere aprobar a nova administración dos EUA incluirá unha partida de 20 millóns de dólares para preservar as linguas nativas americanas.
Fonte: Language Magazine
Algunhas escolas de linguas do Canadá solicitaron ao goberno que aplique medidas concretas que faciliten a chegada de estudantes internacionais e permitir así a continuación da súa actividade durante a pandemia.
Fonte: CBC
A popular aplicación de aprendizaxe de linguas, Duolingo, incluirá en breve o yiddish á súa extensa lista de cursos. Con esta incorporación, o número de cursos ascendará a 40.
Fonte: Jewish Insider
A Escola Galega de Administración Pública publicou a convocatoria de actividades de formación para o persoal da Administración local galega na que se oferta un curso de redacción de documentos técnico-xurídicos en galego.
Fonte: Consello da Cultura Galega
A web de Lingua Catalá, da Generalitat de Cataluña, incorpora 102 novos recursos didácticos do curso “Ep! Escolta i Parla”, que teñen como obxectivo facilitar o labor do profesorado de catalán para adultos, así como a aprendizaxe do alumnado.
Fonte: Generalitat de Catalunya
O secretario xeral de Cultura da Xunta, Anxo M. Lorenzo, participou, xunto co presidente da Real Academia Galega, Víctor F. Freixanes, na presentación do congreso “Emilia Pardo Bazán 100 anos despois”.
Fonte: O Portal da Lingua Galega
Subscríbase ao boletín
