Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O ministro de Universidades de Ontario, Ross Romano, anunciou que o goberno desenvolverá un programa para garantir a contratación de profesorado de francés e facer fronte a un déficit no número de profesores desta materia nas escolas da provincia.
Fonte: The Sault Star
A uns 100 km ao sur de Berlín, entre as rexións de Saxonia e Brandemburgo, sobrevive o pobo sorabo, un pequeno grupo étnico de lingua eslava que constitúe unha das catro minorías culturais recoñecidas a nivel nacional.
Fonte: ZAP
Varias localidades e cidades brasileiras organizan, coa colaboración das embaixadas de Alemaña, Austria, Bélxica, Luxemburgo e Suíza, a Semana da Lingua Alemá.
Fonte: OCP News
Zuzenean conseguiu o certificado de calidade do éuscaro Bikain como recoñecemento ao seu compromiso e o do seu persoal co éuscaro que garante o dereito da cidadanía vasca a empregar esta lingua ou o castelán na súa relación coa Administración.
Fonte: Noticias de Navarra
Esta nova liña de acción, que se encadra no programa Emmarca’t, ten como obxectivo animar as empresas que operan no mercado catalán a usar a lingua catalá nas comunicacións das súas redes sociais.
Fonte: Generalitat de Catalunya
A asociación Docentes de Português na Galiza (DPG) lanzou o vídeo "Amor à primeira vista" como parte da campaña para animar o alumnado de ESO e bacharelato a que se inscriba na materia de portugués. Nel expóñense as vantaxes de aprendizaxe que teñen os galegofalantes pola proximidade entre esa lingua e o galego.
Fonte: Consello da Cultura Galega
O secretario xeral de Política Lingüística, Valentín García, participou na presentación do libro Caderno de Gres, unha publicación en papel promovida pola Fundación Xosé Neira Vilas ao abeiro do Fondo de Proxectos Culturais Xacobeo 2021.
O Goberno de Aragón subscribe un acordo de colaboración coa comarca de La Ribagorza para poñer en marcha medidas a prol do aragonés e o catalán de Aragón, e as súas variedades dialectais tales como actividades de difusión, dinamización social e cultural, publicacións, rótulos etc.
Portugalete, Basauri, Erandio, Getxo, Orduña e Galdakao forman parte da plataforma dixital Beharsarea, unha ferramenta para ofrecer e solicitar traballo en éuscaro. Trátase dunha web que funciona como un taboleiro de anuncios virtual que ao mesmo tempo fomenta o uso desta lingua no ámbito laboral.
Fonte: El Correo
Carlos Cerecedo, alumno da Universidade de Vigo, creou a web "Somos Cultura", que ten como obxectivo darlle resposta á escasa utilización do galego entre a mocidade, xuntando nun só punto ligazóns a contidos en galego de diferentes plataformas e redes sociais.
Fonte: Treintayseis
Subscríbase ao boletín
