A sentenza do tribunal declara que non é preciso que a totalidade dos axentes coñeza o éuscaro para garantir a comunicación coa cidadanía que se dirixa a eles nesta lingua.
Fonte: EITB
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
14 de maio de 2021
14 de maio de 2021
Findecurta, un certame promovido ao abeiro do convenio Lugo Cultural, chega á súa sexta edición. Con este maratón preténdese impulsar a creatividade audiovisual en galego da mocidade.
14 de maio de 2021
O Concello de Allariz pon en marcha unha campaña para impulsar o uso do galego no sector do comercio
“Eu merco en Allariz, eu merco en galego” é o lema da campaña impulsada polo Concello de Allariz para promover o uso do galego no ámbito do comercio. O obxectivo é conseguir que a atención á clientela e a provedores se faga nesta lingua, así como que se empregue en rótulos, publicidade ou calquera outro elemento informativo ou de comunicación do establecemento.
14 de maio de 2021
Este convenio, renovado para unha duración de catro anos, financiará programas lexicográficos e aqueles que teñen como obxectivo impulsar o corpus do éuscaro biscaíño. Ademais, colaborarase na formación de persoal investigador en materia lingüística para promover o desenvolvemento e a actualización dos valores da cultura vasca.
Fonte: Goberno vasco
13 de maio de 2021
O secretario xeral de Política Lingüística, Valentín García, e a directora de Turismo de Galicia, Nava Castro, participaron na presentación do novo libro infantil Celi no Camiño de Santiago, de Pere Tobaruela.
Fonte: O Portal da Lingua Galega
13 de maio de 2021
A publicación do manual Aprenem aranès des del català ofrece un primeiro contacto de nivel básico co aranés para coñecer, escoitar e comezar a practicar esta lingua.
Fonte: Generalitat de Catalunya
13 de maio de 2021
A Plataforma pola Lingua espera que a estrea da versión catalá do filme La família Mitchell contra les màquines no catálogo de Netflix sirva de exemplo para ampliar a oferta de obras audiovisuais en catalán.
Fonte: La Vanguardia
13 de maio de 2021
A Xunta de Galicia, representada na súa delegada territorial, Marta Fernández-Tapias Núñez, e no seu secretario xeral de Política Lingüística, Valentín García, abriu no Eroski Center de García Barbón, en Vigo, a campaña conmemorativa das Letras Galegas impulsada por Vegalsa-Eroski e apoiada pola Consellería de Cultura, Educación e Universidade no marco da programación institucional das Letras Galegas 2021.
12 de maio de 2021
A Biblioteca da Xunta na Coruña Miguel González Garcés rende homenaxe a Emilia Pardo Bazán a través dun itinerario literario polas súas instalacións que inclúe un percorrido pola nova exposición “O reto dunha feminista da súa época: 1851-1921”.
Fonte: O Portal da Lingua Galega
12 de maio de 2021
A conmemoración do Día das Letras Asturianas está cada vez máis presente nos medios de comunicación e nas redes sociais, onde se poden ler continuas referencias a esta xornada.
Fonte: Asturies.com
Boletín
Subscríbase ao boletín
