Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
O Instituto Aragonés da Muller vai publicar unha guía de recursos en cinco idiomas (inglés, francés, búlgaro, romanés e árabe) e en braille co obxectivo de facilitar o acceso aos servizos deste organismo e chegar ao maior número posible de usuarias.
Fonte: 20minutos
A Universidade de Santiago convocou os XVII Premios á calidade lingüística en galego que teñen como obxectivo fomentar o uso da lingua galega ligada á calidade formal na elaboración e defensa dos traballos académicos do alumnado.
Diccionario de aragonesismos de la lengua española é unha publicación que ten como obxectivo dar a coñecer máis de 750 palabras ou usos lingüísticos aragoneses. Nela omítense as marcas xeográficas que constan no dicionario académico, pois todas as voces son aragonesas.
Euronews asinou un acordo coa Universidade Politécnica de Bucareste para lanzar Euronews Romania, unha nova canle informativa destinada ao público falante de romanés.
Fonte: Télé Satellite
Malia que México é o país do mundo con maior número de falantes de español, este non é o idioma oficial, porque na Constitución non se considera como tal. Porén, no artigo 2 sinálase que tanto este como as linguas indíxenas son idiomas nacionais.
Fonte: La Jornada Maya
Ao longo do ano 2020 dobráronse ou subtituláronse en catalán máis de 1600 contidos co apoio da Generalitat de Cataluña. Por poñer algún exemplo, colaborou con 33 distribuidoras que estrearon 93 películas nesta lingua; así mesmo, apoiou contidos distribuídos en plataformas en liña e en formatos físicos (DVD e Blu-ray).
Os concellos de La Puebla de Arganzón e de Condado de Treviño aprobaron o Plan estratéxico do éuscaro, un documento co que pretenden impulsar esta lingua no enclave a través de cinco eixes: uso social, novos falantes, educación, administración e xestión.
O proxecto de reactivación lingüística do amazigh ten como obxectivo convertelo en lingua de traballo do Parlamento marroquí e susténtase na lei orgánica relativa a este idioma.
Fonte: Bladi
Un dos requisitos que deben cumprir as persoas que chegan a Alemaña, ben como refuxiadas ou ben como inmigrantes, é aprender a lingua. No caso dos traballadores, as propias empresas encárganse de subvencionar os cursos de alemán necesarios; no caso dos menores de idade, esta aprendizaxe convértese en prioritaria para a escolarización.
O Consello da Cultura Galega presenta unha nova edición dos tres textos que contén o Tombo das viñas de Ribadavia, que inclúe unha análise paleográfica, diplomática, lingüística e histórica destes; un estudo onomástico de nomes de persoa e topónimos; un glosario léxico e os índices de persoas e lugares citados.
Fonte: Consello da Cultura Galega
Subscríbase ao boletín
