Este plan estratéxico busca impulsar o uso do éuscaro co obxectivo de aumentar a súa presenza en todos os ámbitos sociais e vitais. Estrutúrase en seis eixes que abranguen gobernanza, sensibilización, aprendizaxe, uso, investigación e difusión. O documento xorde dunha ampla participación institucional e social e concrétase en 34 medidas.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
12 de setembro de 2025
12 de setembro de 2025
Este curso de galego de nivel básico (A2) para persoas que veñen de fóra de Galicia e desexan aprender galego ten carácter presencial. Para matricularse cómpre ser maior de 16 anos e non é necesario ser alumno/a da USC.
Fonte: Consello da Cultura Galega
12 de setembro de 2025
«Coa lingua de fóra» é unha actividade organizada polas bibliotecas municipais da Coruña dirixida a persoas adultas que desexen practicar galego nun grupo de conversa, que se reunirá semanalmente entre os meses de outubro e decembro, dinamizado por unha persoa nativa.
Fonte: Consello da Cultura Galega
12 de setembro de 2025
O Departamento de Transporte de Talín, capital de Estonia, e a Fundación para a Integración lanzaron unha campaña con consellos básicos de lingua estoniana no transporte público. O obxectivo é que estudantes internacionais, turistas e residentes non nativos se inician na aprendizaxe da lingua local.
Fonte: ERR
12 de setembro de 2025
YouTube anunciou que nos próximos días ampliará a súa función de audio en múltiples linguas, permitindo que millóns de usuarios poidan visualizar os contidos nos seus respectivos idiomas.
Fonte: Código Cero
11 de setembro de 2025
O secretario xeral da Lingua, Valentín García, participou na rolda de prensa de presentación da vixésima edición das Xornadas Mar por Medio, que organizan o Concello de Ribadeo e mais a Academia Xacobea coa colaboración da Consellería de Cultura, Lingua e Xuventude e da Universidade de Santiago de Compostela.
Fonte: O Portal da Lingua Galega
11 de setembro de 2025
A Xunta de Galicia e as tres universidades galegas poñen en marcha unha campaña conxunta para o fomento do uso da lingua mediante un convenio a través do que o Goberno autonómico achega 30.000 €. A iniciativa, coordinada pola Comisión Interuniversitaria de Normalización Lingüística, foi presentada polo secretario xeral da Lingua, Valentín García, destacando que “se trata da primeira acción deste tipo que se desenvolve entre as tres institucións académicas”.
11 de setembro de 2025
O Concurso de Relato Curto, que chega á súa segunda edición, é unha aposta do Concello do Rosal que ten como obxectivo fomentar a creatividade e a cultura en galego. Con tres categorías (infantil, xuvenil e poboación adulta), valorarase que as obras se inspiren no contorno e as tradicións do municipio.
Fonte: Tele Mariñas
11 de setembro de 2025
Proxector, iniciativa de divulgación el galego impulsada polo Consello da Cultura Galega e a USC, dedica a súa nova entrega á xustiza social e á cultura da paz. A escolma reúne vídeos educativos sobre os Obxectivos de Desenvolvemento Sostible, a importancia da equidade e o labor de grupos de investigación universitarios.
11 de setembro de 2025
O Goberno vasco presentou a campaña “Besarkatu euskara”, coa que procura achegar o éuscaro á cidadanía desde a emoción e a proximidade. Para o curso 2025-2026 destinaranse máis de 58 millóns de euros a facilitar o seu estudo mediante subvencións aos euskaltegis, axudas directas ao alumnado e programas de gratuidade parcial.
Boletín
Subscríbase ao boletín
