A Xunta destinará uns 340 000 euros en 2025 e 2026 para manter o servizo de videointerpretación en lingua de signos co obxectivo de facilitar o acceso das persoas xordas aos servizos públicos.
Fonte: Código Cero
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
09 de setembro de 2025
09 de setembro de 2025
Os Premios Bacelos de Prata, que recoñecen o labor de empresas que apostan polo galego como marca de calidade na etiquetaxe dos seus produtos, galardoou na edición deste ano a Embutidos Lalinense (empresa cárnica de Lalín) e Adegas Bordel (adega familiar de Abegondo).
08 de setembro de 2025
Varias investigacións recentes sinalan que aprender un segundo idioma pode ser unha das formas máis eficaces de protexer o cerebro contra o progreso de enfermidades neurodexenerativas como o alzhéimer.
Fonte: AssisCity
08 de setembro de 2025
A maior parte das ferramentas de intelixencia artificial que existen exclúen centos de linguas africanas, na súa maioría orais e con escasa produción escrita. Isto fai que millóns de persoas queden sen representación. Para reverter esta situación, un grupo de investigadores presentou o maior conxunto de datos existente en linguas africanas, co obxectivo de avanzar cara a unha tecnoloxía máis inclusiva no continente.
Fonte: BBC
08 de setembro de 2025
Plataforma per la Llengua denuncia que máis do 15 % dos comercios nos centros comerciais de Cataluña incumpren a obriga de ofrecer a sinalización, como mínimo, en catalán. A entidade constata que moitas franquías non respectan a normativa e que as xerencias teñen escaso control sobre os alugueiros.
08 de setembro de 2025
A asociación Axuntar denuncia que o Goberno asturiano está a marxinar o galego falado en 18 concellos da zona occidental, tras a modificación do currículo de idiomas que deixa pendente a súa regulación oficial. Reclama un plan de formación similar ao do Bierzo para garantir certificacións oficiais e formación adecuada, mantendo as particularidades da variante local.
08 de setembro de 2025
Os obradoiros «En galego, co teu acento!» ofrecen unha oportunidade para achegar a lingua e a cultura galegas á veciñanza de Ames procedente doutros territorios ou sen coñecementos delas. Celebraranse en Bertamiráns e O Milladoiro, con sesións de dúas horas de luns a xoves, e son gratuítos.
08 de setembro de 2025
O Premio Trevo de narrativa nace para homenaxear a María Duro Mansilla, co-autora de O trevo de catro follas, e recoñecer a excelencia da narrativa en galego. Está aberto a calquera obra literaria narrativa (novela, colección de relatos, libro de viaxes, colección de artigos xornalísticos) escrita orixinalmente en lingua galega e publicada no ano anterior. A contía do galardón é de 1504,80 euros, cifra que lembra a data de nacemento da autora.
06 de setembro de 2025
Durante o curso 2024-2025, un total de 9562 persoas participou nos cursos de catalán organizados polo Goberno de Andorra, o que supón un incremento do 5,7 % respecto ao curso anterior. Unha gran maioría das persoas optou pola autoaprendizaxe guiada, mentres que unha minoría asistiu a clases presenciais e a cursos virtuais.
Fonte: Diari de la Llengua
06 de setembro de 2025
A lei de Trump que impón o inglés como única lingua oficial nos Estados Unidos xa provoca que se retiren permisos de traballo e se deneguen visados a quen non domina o idioma. Comunidades indíxenas, hispanas e asiáticas denuncian unha medida discriminatoria que ameaza a diversidade cultural e pon en risco os esforzos de revitalización das linguas propias.
Fonte: Diari de la Llengua
Boletín
Subscríbase ao boletín
