As concellarías de Normalización Lingüística e Promoción Económica, coa colaboración da asociación Axober, continúan por terceiro ano a iniciativa de repartir salvamanteis con pasatempos en galego da revista A Píllara. A proposta busca que a clientela poida entreterse e practicar a lingua mentres agarda por comida ou bebida.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
01 de setembro de 2025
01 de setembro de 2025
O secretario xeral da Lingua, Valentín García, fixo un chamamento para impulsar e prestixiar o uso da lingua en todos os contextos da sociedade e nomeadamente no ámbito familiar e litúrxico. Fíxoo no cemiterio de San Vicente de Cerponzóns, en Pontevedra, onde participou nunha xornada de restauración da memoria lingüística.
01 de setembro de 2025
En setembro reabren as actividades do Espazo Apego, un punto de encontro para compartir emocións e experiencias en galego. O programa inclúe dous espazos para elaborar receitas de froitas e verduras, así como dúas sesións de contacontos e música.
29 de agosto de 2025
En 1865 chegou á Patagonia arxentina unha expedición galesa co obxectivo de preservar a súa lingua e cultura, fundando Y Wladfa. A exposición dixital trilingüe History cuestiona a visión idealizada da relación cos pobos Tehuelche e dálles protagonismo, por primeira vez, ás voces indíxenas sobre o impacto da colonización.
Fonte: The Conversation
29 de agosto de 2025
No val de Katmandú (Nepal) inaugúrase o primeiro centro dedicado á lingua chinesa e ás habilidades profesionais, con especial atención ás tecnoloxías eléctricas. O obxectivo é formar talento local con dominio do chinés e capacidades técnicas avanzadas.
Fonte: Xinhua
29 de agosto de 2025
O Instituto de Estudos Baleáricos (IEB) concedeulle á Universidade das Illas Baleares (UIB) unha subvención directa de 272 000 euros, un 68 % máis que anteriormente, para reforzar proxectos de estudo e promoción da lingua catalá. Os fondos permitirán fortalecer investigacións e servizos de asesoramento lingüístico, incluíndo o Gabinete de Onomástica, o Centro de Documentación en Sociolingüística e o asesoramento a medios de comunicación.
29 de agosto de 2025
O Goberno de Navarra, a través de Euskarabidea, lanzou a campaña “Euskera ahora” para fomentar a aprendizaxe do éuscaro entre a poboación adulta, en colaboración con 34 entidades locais e euskaltegis. A iniciativa combina publicidade en medios físicos e dixitais, materiais en varias linguas e novos recursos en liña como a plataforma INGURA para estudar o idioma desde calquera lugar. Ademais, este curso increméntanse as axudas individuais ata 560 000 euros para facilitar a matriculación.
29 de agosto de 2025
Nos últimos anos, o galego logrou medrar de forma notable nas redes sociais. Plataformas como TikTok, Instagram e YouTube convertéronse en escaparates para novas xeracións de creadoras e creadores que empregan esta lingua e moitos destes perfís logran chegar a audiencias internacionais, fomentan a aprendizaxe e animan outras persoas a crear contido en galego. A valoración da lingua e a boa acollida do público confirman que internet se constitúe nun espazo clave para a súa visibilidade e normalización.
29 de agosto de 2025
Google Translate ampliou a función de tradución de conversas en tempo real ao incorporar o catalán, o galego e o éuscaro entre os 71 idiomas dispoñibles. Esta ferramenta facilita a comunicación oral con tradución simultánea en audio e texto.
Fonte: Diari de la Llengua
28 de agosto de 2025
A Academia da Lingua Asturiana publicou o volume 145 da súa colección Toponimia, dedicado á parroquia de Rales, en Villaviciosa, que inclúe os nomes tradicionais de lugares grandes e pequenos do territorio. O estudo de Xavier Cayao Valdés recolle a memoria oral da poboación e achega descricións concisas da xeografía local.
Boletín
Subscríbase ao boletín
