A Eurorrexión Pireneos Mediterráneo abre a convocatoria da terceira edición do concurso CREAOCCAT, dirixido a creadores de contido nas redes sociais en catalán e occitano, cun formato novo que fomenta a colaboración transfronteiriza. O concurso, que estará aberto ata o 30 de outubro de 2025, busca reforzar os vínculos culturais e lingüísticos entre Cataluña, as Illas Baleares e a Rexión de Occitania.
Información do día a día do galego e outras linguas
Novas
Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.
05 de setembro de 2025
05 de setembro de 2025
O Tribunal Superior de Xustiza das Illas Baleares desestimou o recurso que esixía un mínimo do 25 % de ensino en castelán nas aulas, seguindo o modelo de Cataluña. O TSXIB defendeu que o sistema educativo balear, co 50 % de docencia en catalán, é legal e distinto do de Cataluña.
05 de setembro de 2025
A serie Respira, dirixida por Marguerita Morello, é a primeira serie en galego centrada na meditación. A través de oito capítulos ambientados en paisaxes naturais como o Bosque Encantado de Aldán ou a praia das Catedrais, a serie busca ofrecer momentos de serenidade e autoconsciencia. Morello, coñecida polo seu traballo no cine, quixo crear un espazo audiovisual para a meditación en galego, dado que a súa experiencia persoal lle demostrou os beneficios para a saúde mental e física.
05 de setembro de 2025
O secretario xeral da Lingua, Valentín García, destacou na presentación do Torneo Go!Go!Zo!3x3 a importancia de “apoiar iniciativas que permiten potenciar a lingua galega entre a mocidade en ámbitos de lecer saudables, como son as competicións deportivas”.
05 de setembro de 2025
O Grupo de Cooperación Internacional de Universidades Brasileiras (GCUB) e o Instituto Cervantes ofrecen ás súas institucións asociadas no Brasil unha nova oportunidade de acceso a beneficios exclusivos en todas as súas sedes, incluída a de Porto Alegre. Entre eles están a proba de nivel e o carné virtual de biblioteca gratuítos, ademais dun 25 % de desconto en cursos e no exame DELE.
05 de setembro de 2025
Foo Seng Thean, un home malaio que se trasladou a Swansea hai dez anos, recibiu o galardón "Novo Falante de Galés" nos premios de aprendizaxe para adultos Inspire! polo seu compromiso coa aprendizaxe do galés, lingua que aprendeu xunto aos seus fillos.
Fonte: Swansea Bay News
04 de setembro de 2025
O Goberno vasco manterá a gratuidade do ensino do éuscaro nos niveis básicos A1 e A2 e no C1 para mozas e mozos de 16 a 18 anos no curso 2025-2026 á que destinará 4,86 millóns de euros. A iniciativa busca facilitar o acceso á aprendizaxe da lingua e consolidar competencias comunicativas antes de estudos superiores ou entrada no mercado laboral.
04 de setembro de 2025
O Goberno vasco inicia a modificación da Orde de 9 de setembro de 2020 para adaptar a acreditación de competencia en éuscaro aos novos perfís lingüísticos establecidos no Decreto 19/2024, co fin de garantir os dereitos lingüísticos da cidadanía no sector público. Os novos perfís inclúen os asimétricos, que diferencian competencias orais e escritas segundo o posto, e os parciais, que facilitan a acreditación adaptada a persoas con discapacidade.
03 de setembro de 2025
Suíza lanzou Apertus, o seu primeiro gran modelo de linguaxe aberta, adestrado en máis de mil idiomas, entre eles o suízo-alemán e o romanche. O novo modelo busca fomentar a innovación multidisciplinaria en ámbitos como o dereito, a saúde, o clima e a educación.
Fonte: GGB
03 de setembro de 2025
Un investigador maxakali defendeu na Universidade Federal de Minas Xerais (UFMG) a primeira dissertación de mestrado escrita en lingua indíxena. O traballo reconstrúe a historia da “escola maxakali” e á transmisión de saberes tradicionais, fronte ás imposicións históricas do ensino en portugués.
Fonte: UFMG
Boletín
Subscríbase ao boletín
