Información do día a día do galego e outras linguas

Novas

Coñeza a actualidade sobre as linguas do mundo que lle proporciona o Observatorio da Lingua Galega. A información actualízase a diario e recóllese dunha ampla gama de fontes, nacionais e internacionais: dende medios de comunicación ata webs de diferentes organizacións e institucións relacionadas coas linguas.

26 de novembro de 2025

A Xunta anuncia os proxectos gañadores de novela curta, poesía e banda deseñada do Xuventude Crea

A Xunta de Galicia acaba de anunciar os proxectos gañadores de novela curta, poesía e banda deseñada do Xuventude Crea, unha iniciativa que busca estimular a imaxinación, a creatividade e a innovación, así como favorecer e visibilizar o talento da mocidade galega e actuar como impulso económico e plataforma de lanzamento profesional.

Este certame, dirixido á mocidade non profesional entre os 16 e os 30 anos que desenvolve a súa actividade artística en Galicia, pretende ademais fomentar o lecer creativo e saudable entre a xente moza e promover a diversidade artística e cultural.

26 de novembro de 2025

A Xunta colabora coa Real Academia nunha xornada de reflexión sobre o impacto da homenaxe ás cantareiras nas Letras Galegas 2025

O secretario xeral da Lingua, Valentín García, participou no Simposio das Letras Galegas 2025, organizado pola Real Academia Galega coa colaboración da Xunta de Galicia na recta final deste ano no que se homenaxearon as cantareiras.

Fonte: O Portal da Lingua Galega

26 de novembro de 2025

Valentín García participa na entrega de premios do Certame de Curtas Documentais Carlos Asorey

A Fundación Paco Lareo-A Solaina de Piloño acolleu a entrega de premios do I Certame de Curtas Documentais Carlos Asorey, impulsado por esta entidade en colaboración coa Xunta de Galicia, a través da Consellería de Cultura, Lingua e Xuventude.

Fonte: O Portal da Lingua Galega

26 de novembro de 2025

O Goberno central recoñece á Xunta a inseguridade xurídica creada no programa de auxiliares de conversa pola descoordinación entre ministerios

A Xunta de Galicia levou á Comisión Xeral de Educación dous asuntos de máxima importancia para o ensino da Comunidade e que o Goberno central obviou na orde do día: o problema creado ao redor do programa de auxiliares de conversa e o anteproxecto de lei de redución de ratios.

Fonte: O Portal da Lingua Galega

25 de novembro de 2025

Más de 200 vídeos participan no concurso Arnasetik, un certame dirixido á mocidade de localidades onde o éuscaro é maioritario

A iniciativa Arnasa Gara impulsa unha nova edición de Arnasetik, un certame audiovisual dirixido á mocidade de 10 a 16 anos procedente dos arnasguneak, co fin de fortalecer a creatividade e promover unha reflexión arredor dos usos lingüísticos e da realidade sociolingüística destes concellos euscaldúns. A iniciativa, promovida por UEMA e polos gobernos vasco e navarro, busca recoñecer o papel esencial destas comunidades na continuidade do éuscaro.

25 de novembro de 2025

O Parlamento de Navarra acolle a XII Liga de Debate Universitario en Éuscaro

A XII Liga de Debate Universitario en Éuscaro conclúe coa vitoria da Universidade Pública de Navarra na modalidade de oratoria individual e da Universidade do País Vasco na competición por equipos. Lorea Aznar Pizarro, alumna de Dereito, resultou mellor oradora nun discurso sobre a universalización dos dereitos humanos. No debate por grupos, o equipo vasco impúxose nunha discusión arredor da limitación dos prezos do alugueiro.

25 de novembro de 2025

Unha antiga inscrición misteriosa revela unha lingua descoñecida en Xeorxia

Un grupo de arqueólogos descubriu unha placa de basalto na rexión do lago Bashplemi (Xeorxia) inscrita con 60 símbolos dos que 39 son únicos e non pertencen a ningún sistema coñecido, o que suxire novas preguntas sobre a orixe da escritura na rexión.

Fonte: IDR

25 de novembro de 2025

Segundo un informe, o galego alcanza a porcentaxe máis alta de uso nas aulas da Universidade de Santiago

O novo Informe sobre o uso do galego evidencia que a lingua avanza con forza na USC, ao chegar ao 29,2 % das horas lectivas, a cifra máis elevada desde que hai rexistros. O crecemento concéntrase sobre todo en tres áreas de coñecemento que xa incorporan o galego como lingua central da docencia. O número de centros que superan o 50 % de ensino en galego duplicouse, e case dúas quintas partes do alumnado reciben clases maioritariamente nesta lingua.

25 de novembro de 2025

Corea abre un centro de educación en Indonesia para fomentar o ensino da lingua coreana

O Ministerio de Educación de Corea do Sur anunciou a apertura dun centro de educación coreana en Iacarta (Indonesia) como parte dunha estratexia máis ampla para promover a lingua e cultura coreanas no sueste asiático.

Fonte: The Korea Herald

24 de novembro de 2025

Alacant acolle unha manifestación a prol do valenciano

Máis de dúas mil persoas manifestáronse en Alacant para reivindicar o valor social do valenciano nun contexto que consideran especialmente delicado. As entidades convocantes advertiron dunha deterioración dos dereitos lingüísticos causada por medidas que, ao seu xuízo, relegan a lingua propia a unha posición secundaria. Criticaron cambios normativos e a presión sobre institucións culturais e educativas, que ven como un risco para a continuidade do ensino en valenciano.

Boletín

Subscríbase ao boletín