O Concello de Bermeo aprobou un novo plan de normalización lingüística ata 2027 co propósito de aumentar o uso do éuscaro como lingua de traballo e servizo e elevar a súa implantación do 75 % ao 89 %. O documento, elaborado co apoio de UEMA e en base ao marco do Goberno vasco, integra a xestión lingüística na dinámica municipal e aposta polo liderado compartido, o seguimento de indicadores e o compromiso colectivo como ferramentas para garantir os dereitos lingüísticos da veciñanza.

Os Emiratos Árabes Unidos participan en varias iniciativas de intelixencia artificial para integrar a lingua árabe no ambiente dixital global e preparala para as demandas do futuro.

Fonte: Diplomacia Business

Unha mesa de debate do Eisteddfod nacional de 2025, celebrado esta vez nos arredores da cidade de Wrexham, abordou a importancia que a agricultura ten na promoción e supervivencia da lingua galesa e na protección do patrimonio cultural.

Fonte: Farmers Weekly

O Concello da Estrada convoca a XXX edición do Premio Xornalístico Manuel Reimóndez Portela, un galardón que ten como obxectivo fomentar o xornalismo e os artigos de opinión en galego ao que poden concorrer profesionais que desenvolvan a súa actividade en medios dixitais ou impresos de Galicia ou que teñan unha edición galega.